വയനാട്: കൽപ്പറ്റ കെഎസ്ആർടിസി ഡിപ്പോയിൽ ഡീസൽ പ്രതിസന്ധി. ഇന്ധനമില്ലാതെ ബസുകൾ ഡിപ്പോയിലേക്ക് തിരികെയെത്തുകയാണ്. നാലു സർവീസുകൾ ഇതിനോടകം മുടങ്ങി. വടുവൻച്ചാൽ, മാനന്തവാടി, വൈത്തിരി ഭാഗത്തേയ്ക്കുള്ള സർവ്വീസുകളാണ് മുടങ്ങിയത്.
മുണ്ടക്കൈ, ചോലാടി മാനന്തവാടി എന്നിവ ഒരു ട്രിപ്പ്‌ മാത്രം നടത്തി അവസാനിപ്പിച്ചു. രാവിലെ 08:30 ന് ശേഷം ചൂരൽമല ഭാഗത്തേക്ക്‌ ബസ്സുകളില്ല. മാനേജ്മെന്റ് അനാസ്ഥയെന്നാണ് ജീവനക്കാരുടെ ആരോപണം. ഇന്ത്യൻ ഓയിൽ കോർപ്പറേഷന് കൃത്യമായി പണം നൽകാൻ സാധിച്ചിട്ടില്ല.
