റിയാദ്: ഖിദ്ദിയയിലെ സിക്സ് ഫ്ലാഗ്സ് പാർക്കിലെ ഏറ്റവും പുതിയ നിർമ്മാണ പ്രവർത്തനങ്ങൾ രേഖപ്പെടുത്തുന്ന ഒരു പ്രചരിക്കുന്ന വീഡിയോ ക്ലിപ്പ് പുറത്ത് വന്നു. വമ്പൻ പദ്ധതിയുടെ ലോഞ്ചിംഗ് തീയതി അടുത്തുവരികയാണെന്ന് സൂചിപ്പിക്കുന്ന പ്രവർത്തന പരീക്ഷണങ്ങൾ ആരംഭിക്കുന്നതിനൊപ്പം, ജോലിയുടെ വലിയൊരു ഭാഗം പൂർത്തീകരിച്ചതായും വീഡിയോ കാണിച്ചു.
വിനോദ, കായിക, സാംസ്കാരിക രംഗങ്ങളിൽ സമീപഭാവിയിൽ ലോകത്തെ ഏറ്റവും പ്രമുഖ നഗരമായി ‘ഖിദ്ദിയ’ മാറുമെന്ന് സഊദി കിരീടാവകാശി അമീർ മുഹമ്മദ് ബിൻ സൽമാൻ പ്രഖ്യാപന സമയത്ത് വെളിപ്പെടുത്തിയിരുന്നു. തലസ്ഥാനമായ റിയാദിന് സമീപം നിർമാണം പൂർത്തിയാകുന്ന പദ്ധതിയുടെ ആഗോള ബ്രാൻഡിങ് നടപടി സംബന്ധിച്ച് പ്രഖ്യാപനം നടത്തുന്ന വേളയിൽ ആയിരുന്നു കിരീടാവകാശിയുടെ പ്രഖ്യാപനം. ഈ നഗരം രാജ്യത്തിെൻറ ആഗോളസ്ഥാനത്തെയും സ്വന്തം സമ്പദ്‌വ്യവസ്ഥയെയും ക്രിയാത്മകമായി പ്രതിഫലിപ്പിക്കുമെന്നും അദ്ദേഹം 2023 ൽ പറഞ്ഞിരുന്നു.
ലോകോത്തര റൈഡുകളും അനുഭവങ്ങളും ഉൾക്കൊള്ളുന്ന ഈ പാർക്ക് മേഖലയിലെ ഏറ്റവും പ്രധാനപ്പെട്ട വിനോദ പദ്ധതികളിൽ ഒന്നാണ്. അമേരിക്കക്ക് പുറത്ത് നിർമിക്കുന്ന ഇവരുടെ ആദ്യ പാർക്ക് ആണിതെന പ്രത്യേതെയും ഇതിനുണ്ട്. പ ഊർജ്ജസ്വലവും ആവേശകരവുമായ ഒരു ലക്ഷ്യസ്ഥാനമായ ഖിദ്ദിയയുടെ ഹൃദയത്തിലേക്ക് ചേരുന്ന പ്രധാന ഒരു പദ്ധതി കൂടിയാണിത്. ഖിദ്ദിയ നഗരത്തിൽ കിരീടാവകാശി മുഹമ്മദ് ബിൻ സൽമാന്റെ പേരിൽ ഉയരുന്ന സ്റ്റേഡിയവും ആഗോള ശ്രദ്ധ നേടും. എ.ഐ സാങ്കേതിക വിദ്യകളടക്കം ഉപയോഗിച്ച് ലോകോത്തര മാതൃകയിലാണ് സ്റ്റേഡിയം നിർമിക്കുന്നത്.
നിലവിലെ സ്റ്റേഡിയം മാതൃകകളെ പൊളിച്ചടുക്കുന്ന തരത്തിലാണ് ഖിദ്ദിയയിലെ പുതിയ സ്റ്റേഡിയം. സന്ദർശകർക്ക് കാഴ്ച്ചാനുഭവങ്ങളിലും രൂപകൽപ്പനയിലും സാങ്കേതിക വിദ്യകളുടെ ഉപയോഗത്തിലും പുതിയ അനുഭവമാണ് സറ്റേഡിയം പങ്കുവെക്കുക. ഒരേസമയം ഉള്ളിലേക്ക് മടക്കി വെക്കാൻ സാധിക്കുന്ന റൂഫും, പിച്ചും, എൽ.ഇ.ഡി വാളുകളും സംയോജിച്ച് നിർമിക്കുന്ന ലോകത്തിലെ ആദ്യത്തെ സ്റ്റേഡിയം കൂടിയാണിത്.
സഊദിയിലെ സുപ്രധാന കായിക, വിനോദ, സാംസ്കാരിക പരിപാടികൾക്കെല്ലാം ഇനി ആതിഥേയത്വം വഹിക്കുകയും ഇവിടെയായിരിക്കും ഫുട്ബോൾ, ബോക്സിംഗ്, ഇ-സ്പോർട്സ് ഇവന്റുകൾ , എന്റർടൈൻമെന്റ് ഷോകൾ തുടങ്ങിയ പരിപാടികളെല്ലാം സ്റ്റേഡിയത്തിൽ അരങ്ങേറും. ഒരേദിവസം മണിക്കൂറുകളുടെ വ്യത്യാസത്തിൽ തന്നെ നിരവധി പരിപാടികൾ സ്റ്റേഡിയത്തിൽ വെച്ച് നടത്താൻ സാധിക്കും. അത്യാധുനിക ഹോളോഗ്രാഫിക് സാങ്കേതികവിദ്യയുടെ സഹായത്തോടെ കാഴ്ച്ചക്കാർക്ക് താരങ്ങളുമായി വെർച്വൽ ഇന്റെറാക്ഷനും, തത്സമയം ഡാറ്റകൾ പരിശോധിക്കാനും സാധിക്കും.
പരിസ്ഥിതി സൗഹൃദമാക്കുന്നതിന്റെ ഭാഗമായി സ്റ്റേഡിയത്തിന് കീഴിൽ മഴവെള്ള സംഭരണയും നിർമിക്കും. ഇത്തരത്തിൽ ശേഖരിച്ച വെള്ളം ഉപയോഗപ്പെത്തി സ്റ്റേഡിയത്തിന്റെ പ്രവർത്തനത്തിന് ആവശ്യമായ ഊർജ്ജവും നിർമിക്കും. റിയാദിൽ നിന്ന് 40 മിനുട്ട് യാത്ര ചെയ്താൽ എത്തിച്ചേരുന്ന ഖിദ്ദിയ്യ നഗരത്തിന്റെ ഭാവി തന്നെ മാറ്റിമറിക്കുന്നതാണ് ഈ പുതിയ പദ്ധതി.
