കൊച്ചി: അസോസിയേഷന് ഓഫ് മലയാളം മൂവീ ആര്ട്ടിസ്റ്റിസ് (അമ്മ) സംഘടനയില് അംഗമല്ലെന്ന് നടി ഭാവന. തെരഞ്ഞെടുപ്പുമായി ബന്ധപ്പെട്ട വിഷയങ്ങള് അറിയില്ലെന്നും ഇപ്പോള് വിഷയത്തില് പ്രതികരിക്കാനില്ലെന്നും ഭാവന പറഞ്ഞു.
അതേസമയം അമ്മയില് നിന്ന് പുറത്ത് പോയവര് തിരിച്ചുവരണമെന്ന് പുതുതായി തെരഞ്ഞെടുക്കപ്പെട്ട പ്രസിഡന്റ് ശ്വേത മേനോന് പ്രതികരിച്ചിരുന്നു. നടിയെ അക്രമിച്ച കേസിലെ അതിജീവിതയും സംഘടനയിലേക്ക് തിരിച്ചുവരട്ടേയെന്ന് ശ്വേത പ്രതികരിച്ചിരുന്നു. ‘ഞങ്ങള് എല്ലാവരും അതിജീവിതയുടെ ഒപ്പമാണ്. ജനറല് ബോഡിയിലെ എല്ലാ അംഗങ്ങളും അവള്ക്കൊപ്പമാണ്. സ്ത്രീ ആണെങ്കിലും പുരുഷന്മാര് ആണെങ്കിലും ഒരു പ്രശ്നം വരുമ്പോള് ഞങ്ങള് എല്ലാവരും ഒരു കൂട്ടുകെട്ടാണ്. സംഘടനയിലേക്ക് അതിജീവിത തിരിച്ചുവരട്ടെ’, ശ്വേത പറഞ്ഞു.
