- കിഴക്കൻ സഊദിയിലെ ഹുഫൂഫിൽ ആണ് ദാരുണ കൊലപാതകം അരങ്ങേറിയത്.
ദമാം: കിഴക്കൻ സഊദിയിലെ അൽ അഹ്സയിൽ വെടിവെപ്പിൽ ഒരാൾ കൊല്ലപ്പെട്ടു. അൽ അഹ്സ ഗവർണറേറ്റിലെ ഹുഫൂഫ് പ്രദേശത്തുള്ള ഖത്വാൻ ഹുസ്സൈനിയ്യ മജ്ലിസ് ആണ് ഒരു ഭീകരമായ കൊലപാതകത്തിന് സാക്ഷ്യം വഹിച്ചത്. അതിൽ പങ്കെടുത്തവരിൽ ഒരാൾ മെഷീൻ ഗൺ ഉപയോഗിച്ച് വെടിയുതിർത്തതിനെ തുടർന്ന് മറ്റൊരാൾ തൽക്ഷണം കൊല്ലപ്പെട്ടു. കൊല്ലപ്പെട്ടായാളും പ്രതിയും ബന്ധുക്കളാണ്.
നിരവധി ക്രിമിനൽ പശ്ചാത്തലത്തിന് പേരുകേട്ട കുറ്റവാളിയാണ് കൊലപാതകം നടത്തിയതെന്നാണ് റിപ്പോർട്ട്. അസാധാരണമായ അവസ്ഥയിൽ വീട്ടിലെ മജിസ്ലിൽ ഇരച്ചുകയറിയാണ് ആക്രമണം നടത്തിയതെന്ന് പ്രാദേശിക പത്രം റിപ്പോർട്ട് ചെയ്യുന്നു. അടിവസ്ത്രം മാത്രം ധരിച്ച ഇദ്ദേഹം തോക്ക് കൈവശം വച്ചിരുന്നു.
കുറ്റവാളി, മയക്കുമരുന്ന് മെത്താംഫെറ്റാമൈൻ ഉപയോഗിക്കുന്നയാളാണെന്നും വിവരങ്ങൾ സൂചിപ്പിക്കുന്നു. കുറ്റകൃത്യ സമയത്ത് അയാൾ മയക്കുമരുന്നിന്റെ സ്വാധീനത്തിലാണെന്നും റിപ്പോർട്ടുകൾ പറയുന്നു.
സംഭവത്തിന് തൊട്ടുപിന്നാലെ, സുരക്ഷാ ഉദ്യോഗസ്ഥർ കുറ്റകൃത്യം നടന്ന കുതിച്ചെത്തിയ പോലീസ് പട്രോൾ സംഘം സ്ഥലം വളഞ്ഞ് പ്രതിയെ പിടികൂടി. കാര്യമായ പ്രതിരോധമില്ലാതെ തന്നെ പോലീസിന് കുറ്റവാളിയെ അറസ്റ്റ് ചെയ്യാൻ കഴിഞ്ഞു. തുടർന്ന് കൂടുതൽ അന്വേഷണത്തിനും നിയമനടപടികൾക്കുമായി അദ്ദേഹത്തെ ബന്ധപ്പെട്ട അധികാരികൾക്ക് റഫർ ചെയ്തു.
അൽ അഹ്സയിൽ മെഷീൻ ഗൺ ഉപയോഗിച്ച് മറ്റൊരു പൗരനെ കൊലപ്പെടുത്തുകയും മറ്റുള്ളവർക്ക് പരിക്കേൽപ്പിക്കുകയും ചെയ്തതിന് ഒരു പൗരനെ അറസ്റ്റ് ചെയ്തതായി പോലീസ് അറിയിച്ചു.
വീട്ടിൽ വെച്ച് പൗരനെ കത്തികൊണ്ട് കുത്തുകയും തുടർന്ന് അവർ തമ്മിലുള്ള തർക്കത്തെത്തുടർന്ന് അയാൾ മറ്റൊരു പൗരനെ തോക്കുപയോഗിച്ച് കൊലപ്പെടുത്തുകയും ചെയ്ത പ്രതിയെ അൽ അഹ്സ ഗവർണറേറ്റ് പോലീസ് അറസ്റ്റ് ചെയ്തതായി കിഴക്കൻ പ്രവിശ്യ പോലീസിന്റെ മാധ്യമ വക്താവ് പറഞ്ഞു. പോലീസ് പറഞ്ഞു.
