കോഴിക്കോട്/കാസര്കോട്: കാലവര്ഷം ശക്തമായതിനെ തുടര്ന്ന് കാസര്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്കും കോഴിക്കോട് ജില്ലയിലെ സ്കൂളുകൾക്കും ജില്ലാ കളക്ടര്മാര് അവധി പ്രഖ്യാപിച്ചു. കാസര്കോട് ജില്ലയില് കനത്ത മഴ തുടരുന്നതിനാല് താഴ്ന്ന പ്രദേശങ്ങളില് വെള്ളം കയറിയിട്ടുണ്ട്.
പ്രധാന നദികള് കരകവിഞ്ഞൊഴുകുന്നുണ്ട്. സുരക്ഷ മുന്നിര്ത്തിയാണ് ജൂലൈ17(വ്യാഴാഴ്ച) ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചത്.
കാസര്കോട് ജില്ലയിലെ സ്കൂളുകള്, കോളേജുകള്, പ്രൊഫഷണല് കോളേജുകള്, കേന്ദ്രീയ വിദ്യാലയങ്ങള്, ട്യൂഷന് സെന്ററുകള്, മദ്രസകള്, അങ്കണവാടികള്, സ്പെഷ്യല് ക്ലാസുകള് എന്നിവയ്ക്ക് അവധി ബാധകമാണ്. മുമ്പ് നിശ്ചയിച്ചിരിക്കുന്ന എല്ലാ പരീക്ഷകളും (പ്രൊഫഷണല്, സര്വകലാശാലാ, മറ്റു വകുപ്പ് പരീക്ഷകള് ഉള്പ്പെടെ) നടക്കുന്നതാണ്. പരീക്ഷാ സമയങ്ങളില് മാറ്റമില്ല.
