അൽ ഖസീം: പൊതുസ്ഥലത്ത് “നൈറ്റ്ഗൗൺ” ധരിച്ചത് നിയമ ലംഘനമാണെന്ന് കണ്ടെത്തി പിഴ ഈടാക്കി സുരക്ഷ പോലീസ്. അൽ ഖസിം മേഖലയിലെ ഒരു പൊതുസ്ഥലത്ത് വെച്ചാണ് ഒരു വ്യക്തിക്ക് നൈറ്റ്ഗൗൺ ധരിച്ചതിന് പിഴ ചുമത്തിയത്.
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
പിഴ ഈടാക്കുന്നത് ആഭ്യന്തര മന്ത്രാലയം ഔദ്യോഗിക സ്നാപ്ചാറ്റ് അക്കൗണ്ടിലൂടെ പുറത്ത് വിടുകയും ചെയ്തു. പൊതുമര്യാദയുടെ ലംഘനങ്ങൾ കണ്ടെത്തുന്നതിനുള്ള സുരക്ഷാ അധികാരികളുടെ ഫീൽഡ് പരിശോധനകളിലാണ് നിയമ ലംഘനം കണ്ടെത്തി പിഴ ഈടാക്കിയത്.
പാർക്ക് പോലെയുള്ള പൊതു സ്ഥലത്ത് കൂടെ നൈറ്റ് ഗൗൺ ധരിച്ച് നടക്കുന്ന ഒരാളെ ഒരു സുരക്ഷാ ഉദ്യോഗസ്ഥൻ നിയമലംഘകനെ തടഞ്ഞുനിർത്തി “പൊതുസ്ഥലങ്ങളിൽ അനുചിതമായ വസ്ത്രം ധരിക്കുക” എന്ന ലംഘനത്തെക്കുറിച്ച് അറിയിക്കുന്നത് വീഡിയോയിൽ കാണാം. അത്തരം വസ്ത്രങ്ങൾ രാജ്യത്തിന്റെ പൊതുമര്യാദ ചട്ടങ്ങൾ ലംഘിക്കുന്നുണ്ടെന്ന് അദ്ദേഹം മുന്നറിയിപ്പ് നൽകി.
സാമൂഹിക മൂല്യങ്ങൾ പ്രോത്സാഹിപ്പിക്കുന്നതിനും നഗര ഭൂപ്രകൃതി സംരക്ഷിക്കുന്നതിനും ലക്ഷ്യമിട്ടുള്ള 19 നിയന്ത്രണ വ്യവസ്ഥകൾ രാജ്യത്തിന്റെ അംഗീകൃത പൊതു അഭിരുചി സംഹിതയിൽ ഉൾപ്പെടുന്നു. വീടിന് പുറത്ത് അടിവസ്ത്രങ്ങളോ നൈറ്റ്ഗൗണുകളോ ധരിക്കുന്നതും, ധാർമ്മിക മൂല്യങ്ങൾ ലംഘിക്കുന്ന ശൈലികളോ ചിത്രങ്ങളോ ഉള്ള വസ്ത്രങ്ങൾ ധരിക്കുന്നതും ഇത് നിരോധിക്കുന്നു.
ആദ്യമായി പൊതുസ്ഥലത്ത് നൈറ്റ്ഗൗൺ ധരിച്ചെത്തുന്നവർക്ക് 100 സൗദി റിയാൽ പിഴ ചുമത്തും, ആവർത്തിച്ചുള്ള കുറ്റകൃത്യങ്ങൾക്ക് പിഴ 200 റിയാലായി വർദ്ധിക്കും. രാജ്യത്തെ നിയമങ്ങളെയും സംസ്കാരത്തെയും ബഹുമാനിച്ച് വസ്ത്രം ധരിക്കേണ്ടത് എല്ലാവരുടെയും ഉത്തരവാദിത്തമാണ്. നിയമലംഘനം നടത്തുന്നവർക്ക് പിഴ ഉൾപ്പെടെയുള്ള ശിക്ഷാ നടപടികൾ നേരിടേണ്ടി വരും.
വീഡിയോ 👇
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
