ജിദ്ദയിൽ വാഹനാപകടം: കോഴിക്കോട് സ്വദേശി മരിച്ചു

• ഇടിയുടെ ആഘാതത്തിൽ ഡയന വാഹനത്തിന്റെ ക്യാബിൻ പൂർണ്ണമായി തകർന്നു

ജിദ്ദ: ജിദ്ദയിൽ ഉണ്ടായ വാഹനാപകടത്തിൽ കോഴിക്കോട് സ്വദേശി മരിച്ചു. കോഴിക്കോട് കൊടുവള്ളി ആവിലോറ കിഴക്കോത്ത് പാറക്കൽ കിഴക്കേചെവിടൻ അബ്ദുൽ മജീദ് മുസ്‌ലിയാരുടെ മകൻ മുഹമ്മദ് ബാദുഷ ഫാരിസ് ആണ് മരണപ്പെട്ടത്. ഇരുപത്തിയഞ്ച് വയസായിരുന്നു.

വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക

വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക

ജിദ്ദയിൽ നിന്ന് ജിസാൻ ഭാഗത്തേക് സ്റ്റേഷനറി സാധനങ്ങളുമായി പോയ ഡയന സെയ്ൽസ് വാഹനം ആണ് പുലർച്ചെ അപകടത്തിൽ പെട്ടത്. ജിദ്ദ ജാമിയ ഖുവൈസിൽ ആയിരുന്നു താമസിച്ചിരുന്നത്.

അപകടത്തിൽ ഡ്രൈവർ ഷൗക്കത്തലി പരിക്കുകളോടെ ആശുപത്രിയിൽ ചികിത്സയിലാണ്. ഇടിയുടെ ആഘാതത്തിൽ ഡയന വാഹനത്തിന്റെ ക്യാബിൻ പൂർണ്ണമായി തകർന്നു. ജിദ്ദയിൽ നിന്ന് ജിസാൻ ഭാഗത്തേക്കുള്ള യാത്രയിൽ ജിദ്ദയിൽ നിന്ന് 200 KM ദൂരെ അലിത്തിനടുത്ത് വെച്ചാണ് അപകടത്തിൽ പെട്ടത്.

കോഴിക്കോട് പാറോപ്പടി സ്വദേശിക്ക് പരിക്കുമുണ്ടെന്ന് സാമൂഹ്യ പ്രവർത്തകൻ മുജീബ് പൂക്കോട്ടൂർ അറിയിച്ചു. നടപടി ക്രമങ്ങൾക്ക് അലിത് കെഎംസിസി, ജിദ്ദ കെ എം സി സി വെൽഫയർ വിങ്ങും നേതൃത്വം നൽകുന്നുണ്ട്.

വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക

വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക