റിയാദ്: PIO കാർഡുമായി ബന്ധപ്പെട്ട് സഊദിയിലെ ജിദ്ദയിലെ ഇന്ത്യൻ കോൺസുലേറ്റ് പ്രത്യേക അറിയിപ്പ് പുറത്തിറക്കി. ഈ വർഷം അവസാനത്തോടെ PIO കാർഡുകൾ അസാധുവാകുമെന്നതിനാലാണ് പ്രത്യേക അറിയിപ്പ് പുറത്തിറക്കിയത്. എല്ലാ PIO കാർഡ് ഉടമകളും തങ്ങളുടെ കാർഡുകൾ OCI കാർഡുകളിലേക്ക് മാറാനായുള്ള നടപടികൾ സ്വീകരിക്കണമെന്നാണ് ജിദ്ദയിലെ ഇന്ത്യൻ കോൺസുലേറ്റ് പുറത്തിറക്കിയ പ്രത്യേക അറിയിപ്പിൽ പറയുന്നത്. PIO കാർഡുകൾ OCI കാർഡുകളാക്കി മാറ്റാത്തവർക്ക് ഡിസംബർ 31 ന് ശേഷം ഇന്ത്യയിലേക്ക് യാത്ര ചെയ്യാൻ പ്രത്യേക വിസ നിർബന്ധമായി വരുമെന്നും അറിയിപ്പിൽ കോൺസുലേറ്റ് മുന്നറിയിപ്പ് നൽകി.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
2025 ഡിസംബർ 31 വരെ എല്ലാ ഇന്ത്യൻ ഇമിഗ്രേഷൻ ചെക്ക് പോസ്റ്റുകളിലും സാധുവായ വിദേശ പാസ്പോർട്ടിനൊപ്പം കൈയെഴുത്ത് യാത്രാ രേഖകൾ/പിഐഒ കാർഡുകൾ സാധുവായ യാത്രാ രേഖയായി സ്വീകരിക്കാൻ ഇന്ത്യാ ഗവൺമെന്റ് തീരുമാനിച്ചുവെന്നും ഇന്ത്യൻ എംബസി ഇക്കഴിഞ്ഞ ജനുവരിയിൽ അറിയിപ്പ് നൽകിയിരുന്നു. എല്ലാ PIO കാർഡ് ഉടമകളും PIO കാർഡ് OCI കാർഡിലേക്ക് എത്രയും വേഗം മാറണമെന്നും എംബസി നിർദേശിച്ചിരുന്നു.
ജിദ്ദയിലെ ഇന്ത്യൻ കോൺസുലേറ്റ് ഇന്ന് പുറത്തിറക്കിയ അറിയിപ്പിൽ പറയുന്ന പ്രത്യേക നിർദേശങ്ങൾ ഇങ്ങനെ 👇
1: 31.12.2025 ന് ശേഷം PIO കാർഡുകൾ അസാധുവാകുമെന്നതിനാൽ, എല്ലാ PIO കാർഡ് ഉടമകളും അവരുടെ കാർഡുകൾ OCI കാർഡുകളാക്കി മാറ്റാൻ പുതുതായി അപേക്ഷിക്കണമെന്ന് അഭ്യർത്ഥിക്കുന്നു
2. PIO കാർഡുകൾ OCI കാർഡുകളാക്കി മാറ്റുന്നതിൽ പരാജയപ്പെടുന്ന എല്ലാവർക്കും, 31.12.2025 ന് ശേഷം ഇന്ത്യയിലേക്ക് യാത്ര ചെയ്യുന്നതിന് വിസ ആവശ്യമായി വരും.
3. ജിദ്ദയിലെ CGI യുടെ അധികാരപരിധിയിൽ താമസിക്കുന്ന PIO കാർഡ് ഉടമകൾ പുതിയ OCI കാർഡുകൾക്ക് അപേക്ഷിക്കുന്നതിന് ഉടൻ തന്നെ കോൺസുലേറ്റിനെ സമീപിക്കണമെന്ന് അഭ്യർത്ഥിക്കുന്നു.
എന്താണ് PIO / OCI കാർഡുകൾ, ആർക്കാണ് ലഭിക്കുക.
ഇന്ത്യൻ പൗരന്മാരല്ലാത്തവരും എന്നാൽ ഇന്ത്യൻ വംശജരുമായ ഇന്ത്യക്കാർക്ക് നൽകുന്ന സാധുവായ യാത്രാ രേഖയാണ് PIO (Person of Indian Origin- ഇന്ത്യൻ വംശജനായ വ്യക്തി). ഇന്ത്യയിലേക്ക് ആജീവനാന്ത മൾട്ടിപ്പിൾ എൻട്രി വിസയും മറ്റ് ആനുകൂല്യങ്ങളും ഈ കാർഡ് ഉടമകൾക്ക് ലഭിക്കും. OCI (Overseas Citizen of India – ഓവർസീസ് സിറ്റിസൺ ഓഫ് ഇന്ത്യ) കാർഡുകളാക്കിയാണ് ഇത് മാറ്റേണ്ടത്.
2025 ഡിസംബർ 31 വരെ സാധുവായ വിദേശ പാസ്പോർട്ടുള്ള PIO കാർഡുകൾ (കൈയെഴുത്ത്, മെഷീൻ-റീഡബിൾ) സാധുവായ യാത്രാ രേഖകളായി സ്വീകരിക്കും. PIO കാർഡ് ഉടമകൾ ഈ തീയതിക്ക് മുമ്പ് അവരുടെ PIO കാർഡുകൾ OCI കാർഡുകളാക്കി മാറ്റണം.
OCI യുടെ ഗുണങ്ങൾ:
കോൺസുലേറ്റ് ജനറൽ ഓഫ് ഇന്ത്യ പ്രകാരം, OCI കാർഡ് ഇന്ത്യയിലേക്ക് ആജീവനാന്ത മൾട്ടിപ്പിൾ എൻട്രി വിസ, ഏത് താമസ കാലയളവിനും പോലീസ് രജിസ്ട്രേഷനിൽ നിന്ന് ഇളവ്, ചില സാമ്പത്തിക, സാമ്പത്തിക, വിദ്യാഭ്യാസ മേഖലകളിലെ NRI കൾക്ക് തുല്യത എന്നിവ വാഗ്ദാനം ചെയ്യുന്നു.
OCI കാർഡ് അപേക്ഷ:
OCI കാർഡുകൾക്കുള്ള അപേക്ഷകൾ ഓൺലൈനായോ ഇന്ത്യൻ എംബസി അല്ലെങ്കിൽ കോൺസുലേറ്റ് വഴിയോ നടത്താം.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
