Friday, 14 February - 2025

കോട്ടയം സ്വദേശിനി ഹോസ്റ്റൽ മുറിയിൽ തൂങ്ങി മരിച്ചു; മാതാപിതാക്കളോട് ക്ഷമ ചോദിച്ച് വിദ്യാർഥിനിയുടെ കുറിപ്പ്

കൊച്ചി: പെരുമ്പാവൂരിനടുത്ത് വേങ്ങൂരിലെ കോളജ് ഹോസ്റ്റലിൽ വിദ്യാർഥിനി മരിച്ച നിലയിൽ. കോട്ടയം പാറമ്പുഴ സ്വദേശിനി അനീറ്റ ബിനോയിയെയാണ് ഇന്നു രാവിലെ ഹോസ്റ്റൽ മുറിയിൽ തൂങ്ങിമരിച്ച നിലയിൽ കണ്ടെത്തിയത്. ബിബിഎ മൂന്നാം വർഷ വിദ്യാർഥിനിയാണ്.

ഇന്നലെയാണ് അനീറ്റ കോട്ടയെത്ത  വീട്ടിൽ നിന്നു മടങ്ങിയെത്തിയത്. മാതാപിതാക്കൾ വിദേശത്താണ്. ഇരുവരോടും ക്ഷമ ചോദിച്ചുകൊണ്ടുള്ള ആത്മഹത്യ കുറിപ്പും മുറിയിൽ നിന്ന് കണ്ടെത്തിയിട്ടുണ്ട്. എന്താണ് മരണത്തിലേക്ക് നയിച്ചത് എന്നതടക്കമുള്ള വിവരങ്ങൾ ലഭ്യമായി വരുന്നതേയുള്ളൂ.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പരുകൾ – 1056, 0471- 2552056)

Most Popular

error: