റിയാദ്: റിയാദ് സീസണിലെ ബോക്സിങ് വീക്കിന് തുടക്കമായി. യുക്രെയ്ൻ താരം ഒലെക്സാണ്ടർ ഉസിക്കും ബ്രിട്ടിഷ് ടൈസൺ ഫ്യൂറിയും തമ്മിലുള്ള ഏറ്റുമുട്ടലിന് കാത്തിരിക്കുകയാണ് പ്രേക്ഷകർ. കരുത്തനായ ഹെവിവെയ്റ്റ് ചാംപ്യനെ നിർണയിക്കുന്നതിനുള്ള മത്സരം ഈ ശനിയാഴ്ച അരീനയിൽ നടക്കും.
ചൊവ്വാഴ്ച പൊതുജനങ്ങൾക്കായി തുറന്ന റിയാദ് സീസൺ സോണുകളിലൊന്നായ ബൗളെവാർഡ് റൺവേയിലാണ് ഗംഭീര സ്വീകരണ പരിപാടി നടന്നത്. ജനറൽ എന്റർടൈൻമെന്റ് അതോറിറ്റിയുടെ (ജിഇഎ) ഡയറക്ടർ ബോർഡ് ചെയർമാൻ തുർക്കി അൽ ഷെയ്ഖ് ചടങ്ങിൽ പങ്കെടുത്തു. റിങ്ങിലെ അസാധാരണമായ കഴിവുകൾക്കും വേഗതയ്ക്കും പേരുകേട്ട ഉസിക് തന്റെ ആധിപത്യം ഉറപ്പിക്കാനും എല്ലാ പ്രധാന ഹെവിവെയ്റ്റ് ബെൽറ്റുകളും അവകാശപ്പെടാനുമാണ് ലക്ഷ്യമിടുന്നത്.
അതേസമയം അപാരമായ ശാരീരിക ശക്തിക്ക് പേരുകേട്ട ടൈസൺ ഫ്യൂറി തന്റെ അഭിമാനം വീണ്ടെടുക്കാനും ചാംപ്യൻ ഷിപ്പ് സിംഹാസനം വീണ്ടെടുക്കാനുമാണ് ശ്രമിക്കുന്നത്. യുക്രെയ്ൻ താരം സെർഹി ബൊഹാചുക്ക് മിഡിൽവെയ്റ്റ് പോരാട്ടത്തിൽ ബ്രിട്ടീഷ് പോരാളി ഇസ്മായേൽ ഡേവിസിനെ നേരിടും. അതേസമയം കടുത്ത ഹെവിവെയ്റ്റ് പോരാട്ടത്തിൽ ബ്രിട്ടീഷ് മോസസ് ഇറ്റൗമ ഓസ്ട്രേലിയൻ താരം ഡെംസി മക്കീനെയും നേരിടും.
ഫെതർവെയ്റ്റ് വിഭാഗത്തിൽ ബ്രിട്ടീഷ് ബോക്സർ പീറ്റർ മക്ഗ്രെയ്ലും വെൽഷ്മാൻ റയ്സ് എഡ്വേർഡും തമ്മിലുള്ള മത്സരവും പ്രതീക്ഷിക്കാം. ബ്രിട്ടീഷ് ബോക്സർ ജോണി ഫിഷർ ഡേവ് അലനെ നേരിടും. ഫെതർ വെയ്റ്റ് വിഭാഗത്തിലെ കടുത്ത മത്സരം പ്രതിഫലിപ്പിക്കുന്ന മറ്റൊരു മത്സരത്തിൽ ബ്രിട്ടീഷ് പോരാളി ഐസക് ലോ സ്കോട്ടിഷ് ബോക്സർ ലീ മക്ഗ്രെഗറിനെ നേരിടും.
യുക്രെയ്ൻ താരം ഡാനിയൽ ലാപിൻ ബ്രിട്ടീഷ് പോരാളി ഡിലൻ കോളിനെ നേരിയ ഹെവിവെയ്റ്റ് ചലഞ്ചിൽ നേരിടും. അതേസമയം യുക്രെയ്ൻ താരം ആൻഡ്രി നോവിറ്റ്സ്കി, മെക്സിക്കൻ താരം എഡ്ഗർ റാമിറെസിനെ മിഡിൽ ഹെവിവെയ്റ്റ് പോരാട്ടത്തിൽ നേരിടും. രാജ്യാന്തര വേദികളിൽ എത്താൻ ആഗ്രഹിക്കുന്ന സൗദിയിലെ ഏറ്റവും പ്രമുഖ ബോക്സർമാരിൽ ഒരാളായി ആഗോള വേദിയിൽ തന്റെ സാന്നിധ്യം ഉറപ്പിക്കാൻ സൗദി താരം അലക്കലും ലക്ഷ്യമിടും.
