തിരുവനന്തപുരം: എംഎല്എമാരായി സത്യപ്രതിജ്ഞ ചെയ്ത രാഹുല് മാങ്കൂട്ടത്തിലിനും യു.ആര്.പ്രദീപിനും സ്പീക്കര് എന്.എന്.ഷംസീറിന്റെ സമ്മാനം നീല ട്രോളി ബാഗ്. പാലക്കാട്ട് ഉപതിരഞ്ഞെടുപ്പിനിടെ കോണ്ഗ്രസ് നീല ട്രോളി ബാഗില് കള്ളപ്പണം കൊണ്ടുവന്നെന്നു സിപിഎം ആരോപിച്ചിരുന്നു. ഈ വിവാദത്തില് സിപിഎമ്മില്നിന്ന് ഏറ്റവും കൂടുതല് വിമര്ശനം നേരിടേണ്ടിവന്ന രാഹുലിന് ഉള്പ്പെടെ നീല ട്രോളി ബാഗ് സ്പീക്കര് സമ്മാനമായി നല്കിയത് ചര്ച്ചയായി.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
കള്ളപ്പണം കൊണ്ടുവന്നെന്ന ആരോപണം തെളിയിക്കാൻ സിപിഎമ്മിനെ കോൺഗ്രസ് വെല്ലുവിളിച്ചിരുന്നു. പക്ഷേ, അന്വേഷണത്തിൽ ഒന്നും കണ്ടെത്താനായില്ല. ഭരണഘടന, നിയമസഭാ ചട്ടങ്ങള് എന്നിവ സംബന്ധിച്ച പുസ്തകങ്ങള് ഉൾപ്പെടെയുള്ളവയാണു സ്പീക്കർ സമ്മാനമായി നൽകിയ ബാഗിലുള്ളത്. എല്ലാ പുതിയ എംഎല്എമാര്ക്കും ബാഗ് നല്കാറുണ്ടെന്നും ഇത്തവണ ആകസ്മികമായി നീല നിറം ആയതാണെന്നും സ്പീക്കറുടെ ഓഫിസ് വിശദീകരിച്ചു.
ഉപതിരഞ്ഞെടുപ്പിൽ വിജയിച്ച രാഹുൽ മാങ്കൂട്ടത്തിലും (പാലക്കാട്) യു.ആർ.പ്രദീപും (ചേലക്കര) നിയമസഭാ സാമാജികരായി ഉച്ചയ്ക്കാണ് സത്യപ്രതിജ്ഞ ചെയ്തത്. നിയമസഭയിലെ ആർ.ശങ്കരനാരായണൻ തമ്പി ഹാളിൽ 12നു സ്പീക്കർ സത്യവാചകം ചൊല്ലിക്കൊടുത്തു. മുഖ്യമന്ത്രി പിണറായി വിജയൻ, പ്രതിപക്ഷ നേതാവ് വി.ഡി.സതീശൻ തുടങ്ങിയവരും ചടങ്ങിൽ പങ്കെടുത്തു.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
