മദ്റസകൾ അടച്ചുപൂട്ടാനുള്ള ഉത്തരവ്; സുപ്രീംകോടതിയുടെ സ്റ്റേ

ന്യൂഡൽഹി: മദ്റസകൾ അടച്ചുപൂട്ടണമെന്നും മ​ദ്റ​സ ബോ​ർ​ഡു​ക​ൾ​ക്ക് സ​ർ​ക്കാ​ർ ധ​ന​സ​ഹാ​യം നി​ർ​ത്ത​ണ​മെ​ന്നുമുള്ള ദേശീയ ബാലാവകാശ കമീഷൻ ഉത്തരവ് സുപ്രീംകോടതി സ്റ്റേ ചെയ്തു.

ഈ നിർദേശവുമായി ദേശീയ ബാലാവകാശ കമീഷൻ വി​വി​ധ സം​സ്ഥാ​ന​ങ്ങ​ളി​ലെ​യും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളി​ലെ​യും ചീ​ഫ് സെ​ക്ര​ട്ട​റി​മാ​ർ​ക്ക് അയച്ച ക​ത്തിൽ തുടർനടപടിയെടുക്കരുതെന്ന് കോടതി നിർദേശിച്ചു. ഈ കത്തിനെ തുടർന്ന് യു.പി, ത്രിപുര സർക്കാറുകൾ സ്വീകരിച്ച നടപടികളും സുപ്രീംകോടതി സ്റ്റേ ചെയ്തു. ജംഇയ്യത്തുൽ ഉലമായെ ഹിന്ദിന്‍റെ ഹരജിയിൽ ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസുമാരായ ജെ.ബി. പർദിവാല, മനോജ് മിശ്ര എന്നിവരടങ്ങിയ ബെഞ്ചിന്‍റേതാണ് വിധി.

ബാലാവകാശ കമീഷന്‍റെ കത്തിനെ അടിസ്ഥാനമാക്കി യു.പി സർക്കാർ മദ്റസകൾക്കെതിരെ നടപടി ആരംഭിച്ചിരുന്നു. ഇതിനെ എതിർത്താണ് ജംഇയ്യത്തുൽ ഉലമായെ ഹിന്ദ് ഹരജി നൽകിയത്. തുടർന്ന്, ബാലാവകാശ കമീഷന്‍റെ ഉത്തരവ് നടപ്പാക്കരുതെന്ന് നിർദേശിച്ച കോടതി യു.പി, ത്രിപുര സർക്കാറുകൾ സ്വീകരിച്ച നടപടികളും സ്റ്റേ ചെയ്യുകയായിരുന്നു.

മ​ദ്റ​സ​ക​ളി​ലെ അ​ധ്യ​യ​ന​രീ​തി വി​ദ്യാ​ർ​ഥി​ക​ളു​ടെ ഭ​ര​ണ​ഘ​ട​നാ​വ​കാ​ശ​ങ്ങ​ൾ ലം​ഘി​ക്കു​ന്നു​വെ​ന്ന് ചൂ​ണ്ടി​ക്കാ​ട്ടിയാണ് ദേശീയ ബാലാവകാശ കമീഷൻ (എ​ൻ.​സി.​പി.​സി.​ആ​ർ) വി​വി​ധ സം​സ്ഥാ​ന​ങ്ങ​ളി​ലെ​യും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളി​ലെ​യും ചീ​ഫ് സെ​ക്ര​ട്ട​റി​മാ​ർ​ക്ക് ക​ത്ത​യ​ച്ചിരുന്നത്.

മ​ദ്റ​സ​ക​ളു​ടെ ​പ്ര​വ​ർ​ത്ത​​ന​ത്തെ​ക്കു​റി​ച്ച് ക​മീ​ഷ​ൻ പ​ഠി​ച്ച് റി​പ്പോ​ർ​ട്ട് ത​യാ​റാ​ക്കി​യി​രു​ന്നു. ഇ​തി​ന്റെ അ​ടി​സ്ഥാ​ന​ത്തി​ലാ​ണ് സം​സ്ഥാ​ന​ങ്ങ​ൾ​ക്ക് ക​ത്ത് ന​ൽ​കി​യ​ത്. 2009ലെ ​വി​ദ്യാ​ഭ്യാ​സ അ​വ​കാ​ശ നി​യ​മ​ത്തി​ൽ ന്യൂ​ന​പ​ക്ഷ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് ന​ൽ​കി​യ ഇ​ള​വു​ക​ൾ മ​ത​വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്ക് പൊ​തു​വി​ദ്യാ​ഭ്യാ​സം അ​ന്യ​മാ​ക്കു​ന്ന സാ​ഹ​ച​ര്യ​മു​ണ്ടാ​ക്കിയെന്ന് ഉത്തരവിൽ പറയുന്നു. ഇ​തോ​ടെ വി​ദ്യാ​ഭ്യാ​സ അ​വ​കാ​ശ സം​ര​ക്ഷ​ണ നി​യ​മം ഉ​ദ്ദേ​ശ്യ​ല​ക്ഷ്യ​ത്തി​ന​പ്പു​റം അ​ധഃ​സ്ഥി​താ​വ​സ്ഥ​ക്കും വി​വേ​ച​ന​ത്തി​നും കാ​ര​ണ​മാ​യി.