റിയാദ്: പ്രൊഫഷനൽ അക്രഡിറ്റേഷൻ നേടാതെ റിയാദ് നഗരത്തിൽ തൊഴിൽ ചെയ്ത എഞ്ചിനീയർക്ക് സൗദി ക്രിമിനൽ കോടതി ആറ് മാസം തടവും 50,000 റിയാൽ പിഴയും ശിക്ഷ വിധിച്ചു.
കൂടാതെ എൻജിനീയറെ നിയമിച്ചതിന് കമ്പനിക്ക് 100,000 റിയാൽ പിഴയും കോടതി ചുമത്തി.
പ്രഫഷനൽ അക്രഡിറ്റേഷൻ ലഭിക്കാത്തെ എൻജിനീയറിങ് പ്രാക്ടീഷണറെ നിയമിക്കരുതെന്ന ആർട്ടിക്കിൾ 11 ലെ വ്യവസ്ഥകൾ ലംഘിച്ചതിനാണ് കുറ്റക്കാരനാണെന്ന് കണ്ടെത്തിയത്.
പ്രൊഫഷനലായി അക്രഡിറ്റേഷൻ ഉള്ളവർക്ക് നൽകുന്ന പ്രൊഫഷനൽ ബിരുദങ്ങളിൽ നിന്ന് നിയമപരമായ രീതിയിൽ അത് നേടാതെ ആൾമാറാട്ടം നടത്തിയതിയതായും കണ്ടെത്തി.
റിയാദിൽ കൗൺസിലിൻ്റെ ഇൻസ്പെക്ഷൻ ടീമിൻ്റെ പരിശോധനാ പര്യടനത്തിനിടെയാണ് എൻജിനീയറിങ് തൊഴിൽ നിയമലംഘനം നടത്തിയയാളെ പിടികൂടിയതെന്ന് സൗദി കൗൺസിൽ ഓഫ് എൻജിനീയേഴ്സ് സെക്രട്ടറി ജനറൽ അബ്ദുൽ മൊഹ്സെൻ അൽ മജ്നൂനി പറഞ്ഞു.
കഴിഞ്ഞ കുറച്ച് മാസങ്ങളായി നടത്തിയ പരിശോധനാ പര്യടനങ്ങളിൽ പ്രാക്ടീസ് എഞ്ചിനീയറിങ്ങ് പ്രൊഫഷനുകളുടെ നിയമം ലംഘിച്ചതിന് നിരവധി സ്ഥാപനങ്ങളും വ്യക്തികളും അതോറിറ്റി പിടിച്ചെടുത്തതായി അൽ മജ്നൂനി പറഞ്ഞു. ഡിസൈൻ, മേൽനോട്ടം, ഇൻ്റീരിയർ ഡിസൈൻ എന്നിവയിൽ എഞ്ചിനീയറിങ് കൺസൾട്ടിങ് സേവനങ്ങൾ നൽകുന്ന 14 കമ്പനികൾ, കരാർ സ്ഥാപനങ്ങൾ, ഇൻ്റീരിയർ ഡെക്കറേഷൻ, ഡിസൈൻ സ്ഥാപനങ്ങൾ എന്നിവയുൾപ്പെടെ 30 കേസുകൾ അവർക്കെതിരായ നിയമനടപടികൾ പൂർത്തിയാക്കാൻ പബ്ലിക് പ്രോസിക്യൂഷന് കൈമാറിയിട്ടുണ്ട്.
ലൈസൻസ് ലഭിക്കാതെ എൻജിനീയറിങ് ജോലിയിൽ ഏർപ്പെട്ടതും പ്രൊഫഷനൽ അക്രഡിറ്റേഷൻ ലഭിക്കാതെ പ്രൊഫഷനിൽ പ്രാക്ടീഷണർമാരെ നിയമിച്ചതും അവർ നടത്തിയ നിയമലംഘനങ്ങളിൽ ഉൾപ്പെടുന്നു.
രാജ്യത്ത് എഞ്ചിനീയറിങ് ജോലികൾ പരിശീലിക്കുന്നതിന് പ്രൊഫഷനൽ അക്രഡിറ്റേഷൻ നേടേണ്ടതിൻ്റെ പ്രാധാന്യം അദ്ദേഹം ഊന്നിപ്പറഞ്ഞു.
