കണ്ണൂര്: പൊതുപ്രവര്ത്തന രംഗത്ത് സജീവമാകുന്നതിനായി മാധ്യമ പ്രവര്ത്തം അവസാനിപ്പിച്ച എം വി നികേഷ് കുമാറിനെ സിപിഐ(എം) കണ്ണൂര് ജില്ലാ കമ്മിറ്റിയിലേക്ക് ക്ഷണിക്കാൻ തീരുമാനം. തീരുമാനത്തിന് സംസ്ഥാന കമ്മിറ്റി അനുമതി നൽകി.
റിപ്പോര്ട്ടര് ടിവിയുടെ ഔദ്യോഗിക ചുമതലകളില് നിന്ന് എംവി നികേഷ് കുമാര് സ്ഥാനമൊഴിഞ്ഞിരുന്നു. എല്ലാ കാലത്തും തന്റെ ജീവിതത്തില് രാഷ്ട്രീയമുണ്ടായിരുന്നുവെന്നും അദ്ദേഹം പറഞ്ഞിരുന്നു.
കമ്യൂണിസ്റ്റ് നേതാവും മുന് മന്ത്രിയുമായിരുന്ന എം വി രാഘവന്റെയും സി വി ജാനകിയുടെയും മകനായി 1973 മെയ് 28 നാണ് എം വി നികേഷ് കുമാറിന്റെ ജനനം. ഏഷ്യാനെറ്റ് ന്യൂസിലാണ് മാധ്യമ പ്രവര്ത്തനം ആരംഭിച്ചത്. 2003 ല് കേരളത്തിലെ ആദ്യത്തെ മുഴുവന് സമയ വാര്ത്താ ചാനലായി ഇന്ത്യാവിഷന് ആരംഭിച്ചപ്പോള് എക്സിക്യൂട്ടീവ് എഡിറ്ററായി പ്രവര്ത്തിച്ചു. 2011ല് റിപ്പോര്ട്ടര് ടിവിക്ക് തുടക്കം കുറിച്ചു. രാംനാഥ് ഗോയങ്ക അവാര്ഡുള്പ്പെടെ നിരവധി പുരസ്കാരങ്ങള് അദ്ദേഹത്തിന് ലഭിച്ചിട്ടുണ്ട്.
