മരണപ്പെട്ടവരിൽ 09 മലയാളികളെ തിരിച്ചറിഞ്ഞു
കുവൈത്ത് സിറ്റി: കുവൈത്തിലെ തൊഴിലാളി ക്യാമ്പിലുണ്ടായ തീപിടിത്തത്തില് മരിച്ച ഒന്പത് മലയാളികളെ തിരിച്ചറിഞ്ഞു.അപകടത്തില് മൊത്തം 49 പേര് മരിച്ചതായാണ് വിവരം. ഇതില് 41 പേരുടെ മരണം സര്ക്കാര് ഔദ്യോഗികമായി സ്ഥിരീകരിച്ചു. ഇതില് 26 പേരെ തിരിച്ചറിഞ്ഞു. മരിച്ചവരില് 11 മലയാളികളാണെന്നാണ് പ്രാഥമിക വിവരം. ഒന്പത് മലയാളികളെയാണ് തിരിച്ചറിഞ്ഞത്. പരിക്കേറ്റ 50 -ലധികം പേരില് മൂപ്പതോളം പേര് മലയാളികളാണ്.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
കെട്ടിടത്തിൽ ഉണ്ടായിരുന്നത് 195 പേരാണ് ഉണ്ടായിരുന്നത്. ഇവരിൽ 146 പേർ സുരക്ഷിതരെന്നാണ് വിവരം. ദുഃഖതിനിടയിലും ഏറ്റവും ആശ്വാസകമായ വാർത്തയാണിത്.
എന്.ബി.ടി.സി. ഗ്രൂപ്പിലെ പ്രൊഡക്ഷന് എന്ജിനിയര് തൃക്കരിപ്പൂര് എളംബച്ചി സ്വദേശി കേളു പൊന്മലേരി, കഴിഞ്ഞ പത്ത് വര്ഷത്തോളമായി കുവൈത്തില് ജോലി ചെയ്യുന്ന കാസര്കോട് ചെര്ക്കള കുണ്ടടുക്കം സ്വദേശി രഞ്ജിത്ത് (34), പാമ്പാടി സ്വദേശിയും എന്ജിയറുമായ സ്റ്റെഫിന് എബ്രഹാം സാബു (29), പന്തളം മുടിയൂര്ക്കോണം സ്വദേശം ആകാശ് എസ് നായര്, കൊല്ലം സ്വദേശി ഷമീര്, പത്തനംതിട്ട വാഴമുട്ടം സ്വദേശി പി.വി. മുരളീധരന് (54), കൊല്ലം വെളിച്ചിക്കാല വടക്കോട് വിളയില് ലൂക്കോസ് (സാബു-45), പുനലൂര് നരിക്കല് വാഴവിള സ്വദേശി സാജന് ജോര്ജ്, കോന്നി അട്ടച്ചാക്കല് സ്വദേശി ചെന്നിശ്ശേരിയില് സജു വര്ഗീസ് (56) എന്നീ മലയാളികളുടെ മൃതദേഹമാണ് തിരിച്ചറിഞ്ഞത്.
മരിച്ച ഇന്ത്യന് പൗരന്മാരുടെ കുടുംബങ്ങള്ക്ക് പ്രധാനമന്ത്രിയുടെ ദുരിതാശ്വാസ നിധിയില് നിന്ന് 2 ലക്ഷം രൂപ വീതം പ്രധാനമന്ത്രി ധനസഹായം പ്രഖ്യാപിച്ചു. കുവൈത്ത് തീപിടിത്ത അപകടത്തിന്റെ പശ്ചാത്തലത്തില് ലോക കേരള സഭയുടെ ഉദ്ഘാടന സമ്മേളനവും അനുബന്ധ പരിപാടികളും ഒഴിവാക്കി.
കുവൈത്തിലെ ഫ്ളാറ്റ് സമുച്ചയത്തിലുണ്ടായ തീപിടിത്തത്തില് മരിച്ച ഇന്ത്യക്കാരുടെ കുടുംബത്തിന് ധനസഹായം പ്രഖ്യാപിച്ച് പ്രധാനമന്ത്രി നരേന്ദ്ര മോദി. മരിച്ച ഇന്ത്യന് പൗരന്മാരുടെ കുടുംബങ്ങള്ക്ക് പ്രധാനമന്ത്രിയുടെ ദുരിതാശ്വാസ നിധിയില് നിന്ന് രണ്ടു ലക്ഷം രൂപ വീതം നല്കും. പ്രധാനമന്ത്രിയുടെ വസതിയില് ചേര്ന്ന യോഗം അപകടം സംബന്ധിച്ച സ്ഥിതിഗതികള് വിലയിരുത്തി.
സംഭവത്തില് ദുഃഖം രേഖപ്പെടുത്തിയ പ്രധാനമന്ത്രി മരിച്ചവരുടെ കുടുംബങ്ങളെ അനുശോചനം അറിയിച്ചു. കേന്ദ്ര സര്ക്കാരിന്റെ ഭാഗത്ത് നിന്ന് സാധ്യമായ എല്ലാ സഹായങ്ങളും ചെയ്യുമെന്ന് പറഞ്ഞ പ്രധാനമന്ത്രി ദുരിതാശ്വാസ നടപടികള്ക്ക് മേല്നോട്ടം വഹിക്കുന്നതിനും മൃതദേഹങ്ങള് വേഗത്തില് നാട്ടിലെത്തിക്കുന്നതിനും വിദേശകാര്യ മന്ത്രാലയ വിഭാഗം ഉടന് കുവൈത്തിലേക്ക് പോകണമെന്നും നിര്ദേശിച്ചു.
