കോഴിക്കോട്: ഒരുമാസം നീണ്ടുനിന്ന വ്രതാനുഷ്ഠാനങ്ങള്ക്കൊടുവില് ഇസ്ലാം മതവിശ്വാസികള്ക്ക് ബുധനാഴ്ച ആഹ്ളാദത്തിന്റെ ചെറിയ പെരുന്നാള്. ശവ്വാല് മാസപ്പിറവി കണ്ടതിനാല് ബുധനാഴ്ച ഈദുല് ഫിത്വര് ആയിരിക്കുമെന്ന് വിവിധ ഖാസിമാര് അറിയിച്ചു.വിശ്വാസികള് പള്ളികളിലും ഈദ് ഗാഹുകളിലും പെരുന്നാള് നമസ്കാരത്തിനായി ഒത്തുചേരും. സ്നേഹം പങ്കുവെക്കലിന്റെ ആഘോഷംകൂടിയാണ് പെരുന്നാള്.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
ഒമാന് അടക്കമുള്ള ജി.സി.സി രാഷ്ട്രങ്ങളിലും ഇന്ന് പെരുന്നാള് ആഘോഷിക്കും. അതേസമയം ഡല്ഹിയില് പെരുന്നാള് നാളെയാണ്. ചന്ദ്രക്കല കാണാത്തതിനാൽ ഉത്തരേന്ത്യൻ മുസ്ലിംകൾ ഇന്ന് ഏപ്രിൽ 10 ന് ഉപവാസ ദിനം ആചരിക്കും. ഡൽഹി, ഉത്തർപ്രദേശ്, കർണാടക എന്നിവിടങ്ങളിലെ പ്രധാന പള്ളികൾ ഇക്കാര്യം സ്ഥിരീകരിച്ചു. തൽഫലമായി, ഏപ്രിൽ 11 മായിരിക്കും രാജ്യത്തിൻ്റെ പല ഭാഗങ്ങളിലും ഈദുൽ ഫിത്തർ ആചരിക്കുക. തക്ബീര് ധ്വനികളാല് മുഖരിതമാണ്. റമദാനില് നേടിയ ആത്മവിശുദ്ധിയുടെ കരുത്തുമായാണ് വിശ്വാസികള് ചെറിയ പെരുന്നാള് ആഘോഷിക്കുന്നത്. ഈദ് നമസ്കാരമാണ് പെരുന്നാളിലെ പ്രധാന ആരാധന.
ബുധനാഴ്ച ചെറിയ പെരുന്നാളായിരിക്കുമെന്ന് സമസ്ത കേരള ജംഇയ്യത്തുല് ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, പാണക്കാട് സയ്യിദ് സ്വാദിഖ് അലി ശിഹാബ് തങ്ങള്, സമസ്ത ജനറല് സെക്രട്ടറി പ്രൊഫ. കെ. ആലിക്കുട്ടി മുസ്ലിയാർ, കോഴിക്കോട് ഖാസിമാരായ സയ്യിദ് മുഹമ്മദ് കോയ ജമലുല്ലൈലി തങ്ങള്, സയ്യിദ് നാസര്ഹയ്യ് ശിഹാബ് തങ്ങള് പാണക്കാട്, സംയുക്ത മഹല്ല് ജമാഅത്ത് ഖാസിമാരായ കാന്തപുരം എ.പി. അബൂബക്കര് മുസ്ലിയാർ, സയ്യിദ് ഇബ്രാഹിമുല് ഖലീല് അല് ബുഖാരി, കേരള ഹിലാല് കമ്മിറ്റി ചെയര്മാന് എം. മുഹമ്മദ് മദനി എന്നിവര് അറിയിച്ചു.
ഇനി വാർത്തകൾ മിസ്സ് ആകില്ല…. വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
