കൊച്ചി: പീഡന പരാതിയില് മല്ലു ട്രാവലര് ഷാക്കിര് സുബ്ഹാന് ഇടക്കാല മുന്കൂര് ജാമ്യം. ഉപാധികളോടെയാണ് ഹൈക്കോടതി ജാമ്യം നല്കിയത്. സംസ്ഥാനം വിട്ടു പോകാന് പാടില്ല, പാസ്പോര്ട്ട് ഹാജരാക്കണമെന്നും കോടതി നിര്ദേശം നല്കി. നിലവില് വിദേശത്തുള്ള ഷാക്കിര് കേരളത്തിലെത്തുമെന്ന് അഭിഭാഷകന് അറിയിച്ചതിനെ തുടര്ന്നാണ് ജാമ്യം അനുവദിച്ചത്.
വിദേശത്തുള്ള ഷാക്കിര് കേരളത്തിലെത്തുമെന്ന് അഭിഭാഷകന് അറിയിച്ചതിനെ തുടര്ന്നാണ് ജാമ്യം അനുവദിച്ചത്.
29 കാരിയായ സൗദി യുവതിയാണ് പരാതിക്കാരി. കഴിഞ്ഞ സെപ്റ്റംബര് 13 ന് എറണാകുളത്തെ ഹോട്ടലില് വെച്ച് പീഡിപ്പിക്കാന് ശ്രമിച്ചുവെന്നാണ് പോലീസില് നല്കിയ പരാതിയില് പറയുന്നത്.
ഏറെ നാളായി കൊച്ചിയിലാണ് സൗദി യുവതി താമസിക്കുന്നത്. അഭിമുഖം നടത്തുന്നതിനായാണ് മല്ലു ട്രാവലര് ഹോട്ടലിലെത്തിയത്. ഈ സമയത്ത് യുവതിയുടെ പ്രതിശ്രുത വരനും സ്ഥലത്തുണ്ടായിരുന്നുവെന്ന് പോലീസ് പറയുന്നു. എന്നാല് പിന്നീട് പ്രതിശ്രുത വരന് പുറത്തേക്ക് പോയി. ഈ സമയത്ത് ഷക്കീര് സുബ്ഹാന് പീഡിപ്പിക്കാന് ശ്രമിച്ചുവെന്നാണ് ആരോപണം.
