തട്ടിപ്പിന്റെ പുതു രൂപം; ഔ​ദ്യോ​ഗി​ക മ​ന്ത്രാ​ല​യ​ങ്ങ​ളി​ൽ നിന്നു​ള്ള രൂ​പ​ത്തി​ൽ ഫോ​ൺ​വി​ളി​ച്ചും സ​ന്ദേ​ശ​ങ്ങ​ൾ അ​യ​ച്ചുമാണ് പണം തട്ടുന്നത്

കു​വൈ​ത്ത് സി​റ്റി: തട്ടിപ്പുകൾ പു​തു​രൂ​പ​ത്തി​ൽ. ഔ​ദ്യോ​ഗി​ക മ​ന്ത്രാ​ല​യ​ങ്ങ​ളി​ൽ എ​ന്നു​ള്ള രൂ​പ​ത്തി​ൽ ഫോ​ൺ​വി​ളി​ച്ചും സ​ന്ദേ​ശ​ങ്ങ​ൾ അ​യ​ച്ചും പ​ണം ത​ട്ട​ലാ​ണ് ത​ട്ടി​പ്പു​സം​ഘ​ത്തി​ന്റെ പു​തി​യ രീ​തി.

മ​ല​യാ​ളി​ക​ള​ട​ക്കം നി​ര​വ​ധി പേ​ർ​ക്ക് ഇ​ത്ത​ര​ത്തി​ൽ കോ​ളു​ക​ളും സ​ന്ദേ​ശ​ങ്ങ​ളും വ​ന്ന​താ​യി പ​ല​രും വ്യ​ക്ത​മാ​ക്കി. പ​ല​ർ​ക്കും പ​ണം ന​ഷ്ട​പ്പെ​ടു​ക​യും ചെ​യ്തു. ഗ​താ​ഗ​ത നി​യ​മ​ലം​ഘ​നം, ബാ​ങ്ക് ലോ​ൺ അ​ട​വ്, ട്രാ​വ​ൽ ബാ​ൻ, വാ​ക്സി​നേ​ഷ​ൻ എ​ന്നീ കാ​ര്യ​ങ്ങ​ൾ എ​ല്ലാം വി​ശ്വ​സ​നീ​യ രൂ​പ​ത്തി​ൽ അ​വ​ത​രി​പ്പി​ച്ചാ​ണ് പ​ണം ത​ട്ടു​ന്ന​ത്.

മു​മ്പും പ​ല​രൂ​പ​ത്തി​ലു​ള്ള ത​ട്ടി​പ്പു​ക​ളും ന​ട​ന്നി​ട്ടു​ണ്ടെ​ങ്കി​ലും കൃ​ത്യ​മാ​യ രേ​ഖ​ക​ൾ പ​റ​ഞ്ഞും പൊ​ലീ​സ് വേ​ഷ​ത്തി​ൽ വി​ഡി​യോ​കാ​ളി​ൽ എ​ത്തി​യു​മാ​ണ് ഇ​ത്ത​വ​ണ ത​ട്ടി​പ്പ്.

കൊ​ല്ലം സ്വ​ദേ​ശി​ക്ക് ന​ഷ്ട​മാ​യ​ത് ഒ​രു ല​ക്ഷം
ത​ട്ടി​പ്പു​സം​ഘം കു​വൈ​ത്തി​ൽ ജോ​ലി ചെ​യ്യു​ന്ന കൊ​ല്ലം സ്വ​ദേ​ശി​യി​ൽ​നി​ന്നു ത​ട്ടി​യ​ത് ഒ​രു ല​ക്ഷ​ത്തോ​ളം രൂ​പ. കു​വൈ​ത്ത് ആ​രോ​ഗ്യ മ​ന്ത്രാ​ല​യ​ത്തി​ൽ ന​ഴ്സാ​യ പ​ത്ത​നാ​പു​രം സ്വ​ദേ​ശി​ക്കാ​ണ് പ​ണം ന​ഷ്ട​മാ​യ​ത്. പൊ​ലീ​സ് വേ​ഷ​ത്തി​ൽ വാ​ട്സാ​പ്പ് വി​ഡി​യോ​കാ​ളി​ൽ വ​ന്ന​യാ​ൾ ട്രാ​വ​ൽ ബാ​ൻ ഉ​ണ്ടെ​ന്നും അ​തി​ന്റെ വെ​രി​ഫി​ക്കേ​ഷ​ന് വേ​ണ്ടി​യാ​ണ് വി​ളി​ച്ച​തെ​ന്നും വ്യ​ക്ത​മാ​ക്കി.

തു​ട​ർ​ന്ന് ന​ഴ്സി​ന്റെ ബാ​ങ്ക് വി​വ​ര​ങ്ങ​ളും ലോ​ൺ എ​ടു​ത്ത​തും മ​റ്റും പ​റ​ഞ്ഞു. വി​വ​ര​ങ്ങ​ൾ എ​ല്ലാം ശ​രി​യാ​യി പ​റ​ഞ്ഞ​തോ​ടെ വി​ളി​ച്ച​യാ​ളെ വി​ശ്വ​സി​ച്ചു. ഇ​തി​​നി​ടെ ബാ​ങ്കി​ലെ ഇ​ൻ​സ്റ്റാ​ൾ​മെ​ന്റ് ഉ​ട​ൻ അ​ട​ക്ക​ണ​മെ​ന്നും വെ​രി​ഫി​ക്കേ​ഷ​ന് ശേ​ഷം റീ​ഫ​ണ്ട് ചെ​യ്യാ​മെ​ന്നും അ​റി​യി​ച്ചു. ഗൂ​ഗ്ൾ പേ ​ന​മ്പ​റും ന​ൽ​കി.

അ​ക്കൗ​ണ്ടി​ലു​ള്ള 65 ദീ​നാ​ർ ഉ​ട​ൻ കൈ​മാ​റി. ബാ​ക്കി തു​ക നാ​ട്ടി​ൽ നി​ന്ന് ന​ഴ്സി​ന്റെ ഭാ​ര്യ​യും കൈ​മാ​റി. ഇ​ത്ത​ര​ത്തി​ൽ ഒ​രു ല​ക്ഷ​ത്തോ​ളം രൂ​പ കൈ​മാ​റി​യെ​ങ്കി​ലും റീ​ഫ​ണ്ടാ​യി​ല്ല. തു​ട​ർ​ന്ന് വി​ള​ച്ച ന​മ്പ​റി​ൽ ബ​ന്ധ​പ്പെ​ട്ടെ​ങ്കി​ലും സ്വി​ച്ച് ഓ​ഫാ​യി​രു​ന്നു. വി​വ​ര​ങ്ങ​ൾ കാ​ണി​ച്ച് പ​ണം ന​ഷ്ട​പ്പെ​ട്ട​യാ​ളു​ടെ ഭാ​ര്യ നാ​ട്ടി​ൽ സൈ​ബ​ർ​സെ​ല്ലി​നെ സ​മീ​പി​ച്ചെ​ങ്കി​ലും അ​വ​ർ കൈ​മ​ല​ർ​ത്തി.

ആ​ദ്യ വി​ളി പൊ​ലീ​സ് വേ​ഷ​ത്തി​ൽ
കു​വൈ​ത്ത് പൊ​ലീ​സി​ന്റെ വേ​ഷ​ത്തി​ൽ വാ​ട്സാ​പ്പി​ൽ വി​ഡി​യോ കാ​ൾ ചെ​യ്യു​ക​യാ​ണ് ത​ട്ടി​പ്പു​സം​ഘം ആ​ദ്യം ചെ​യ്യു​ന്ന​ത്. തു​ട​ർ​ന്ന് ആ​ളെ കു​റി​ച്ചു​ള്ള പൂ​ർ​ണ വി​വ​ര​ങ്ങ​ളും പ​റ​യും. ഇ​തോ​ടെ ഫോ​ൺ എ​ടു​ക്കു​ന്ന​വ​ർ ശ​രി​ക്കു​മു​ള്ള പൊ​ലീ​സാ​ണെ​ന്ന് ക​രു​തും. മൊ​ബൈ​ലി​ൽ ഒ.​ടി.​പി അ​യ​ക്കു​ക​യാ​ണ് അ​ടു​ത്ത ന​ട​പ​ടി. ത​ട്ടി​പ്പ് മ​ന​സ്സി​ലാ​കാ​തെ ഇ​ത് പ​റ​ഞ്ഞു​കൊ​ടു​ക്കു​ന്ന​വ​ർ​ക്ക് പ​ണം ന​ഷ്ട​മാ​കും. അ​റ​ബി​യി​ലും ഇം​ഗ്ലീ​ഷി​ലു​മാ​ണ് വി​ളി​ക്കു​ന്ന​വ​ർ സം​സാ​രി​ക്കു​ന്ന​ത്. ഇ​തു​കൊ​ണ്ടു ത​ന്നെ ത​ട്ടി​പ്പ് പെ​ട്ടെ​ന്ന് മ​ന​സ്സി​ലാ​കി​ല്ല.

വി​ളി​വ​രു​ന്ന​ത് മു​ഴു​വ​ൻ വി​വ​ര​ങ്ങ​ൾ അ​റി​ഞ്ഞ്
ആ​ളു​ക​ളെ കു​റി​ച്ച് മു​ഴു​വ​ൻ വി​വ​ര​ങ്ങ​ളും മ​ന​സ്സി​ലാ​ക്കി​യാ​ണ് ത​ട്ടി​പ്പു​സം​ഘ​ങ്ങ​ൾ പ്ര​വ​ർ​ത്തി​ക്കു​ന്ന​ത്. വി​ളി​ക്കു​ന്ന​വ​രു​ടെ സി​വി​ൽ ഐ.​ഡി ന​മ്പ​ർ, ര​ക്ത​ഗ്രൂ​പ്, ജോ​ലി ചെ​യ്യു​ന്ന സ്ഥ​ലം, ബാ​ങ്ക് വി​വ​ര​ങ്ങ​ൾ എ​ന്നി​വ​യെ​ല്ലാം വി​ളി​ക്കു​ന്ന​വ​ർ വ്യ​ക്ത​മാ​യി പ​റ​യു​ന്നു​ണ്ട്.

ക​ഴി​ഞ്ഞ ദി​വ​സം ആ​രോ​ഗ്യ​മ​ന്ത്രാ​ല​യ​ത്തി​ൽ നി​ന്നാ​ണെ​ന്ന വ്യാ​ജേ​നെ കോ​ൾ വ​ന്ന​താ​യി മ​ല​പ്പു​റം സ്വ​ദേ​ശി​യാ​യ ന​ഴ്സ് പ​റ​ഞ്ഞു. ഇ​യാ​ളു​ടെ സി​വി​ൽ ഐ.​ഡി ന​മ്പ​റും, ര​ക്ത​ഗ്രൂ​പ്പും, മ​റ്റു​വി​വ​ര​ങ്ങ​ളും വി​ളി​ച്ച​യാ​ൾ പ​റ​യു​ക​യു​ണ്ടാ​യി. ഇ​തോ​ടെ ഔ​ദ്യോ​ഗി​ക മ​ന്ത്രാ​ല​യ​ത്തി​ൽ നി​ന്നു​ത​ന്നെ​യാ​കാം വി​ളി​ച്ച​തെ​ന്ന് ക​രു​തി.

എ​ന്നാ​ൽ അ​വ​സാ​നം ഒ.​ടി.​പി മൊ​ബൈ​ലി​ലേ​ക്ക് അ​യ​ച്ചി​ട്ടു​ണ്ടെ​ന്നും അ​തു പ​റ​ഞ്ഞു​കൊ​ടു​ക്കാ​നും ആ​വ​ശ്യ​പ്പെ​ട്ട​തോ​ടെ​യാ​ണ് ത​ട്ടി​പ്പ് മ​ന​സ്സി​ലാ​യ​ത്. ലാ​ൻ​ഡ് ലൈ​നി​ൽ നി​ന്നാ​ണ് വി​ളി വ​ന്ന​ത്. ഗ​താ​ഗ​ത നി​യ​മ​ലം​ഘ​നം ന​ട​ത്തി​യ​താ​യും പി​ഴ അ​ട​ക്കാ​നും നി​ദേ​ശി​ച്ചു​ള്ള സ​ന്ദേ​ശ​വും ഫോ​ണി​ൽ വ​രു​ക​യു​ണ്ടാ​യി. നേ​ര​ത്തേ സ​മാ​ന സം​ഭ​വ​ങ്ങ​ളെ കു​റി​ച്ചു​ള്ള ബോ​ധ്യം ഉ​ള്ള​തു​കൊ​ണ്ടു​മാ​ത്ര​മാ​ണ് ത​ട്ടി​പ്പി​ൽ​നി​ന്ന് ര​ക്ഷ​പ്പെ​ട്ട​തെ​ന്ന് മ​ല​പ്പു​റം സ്വ​ദേ​ശി പ​റ​ഞ്ഞു.

ത​ട്ടി​പ്പ് സം​ഘ​ത്തി​ന്റെ കാ​ളു​ക​ൾ വ്യാ​പ​ക​മാ​യി എ​ത്തു​ന്ന​ത് ന​ഴ്സു​മാ​ർ​ക്കാ​ണ്. മ​ല​യാ​ളി​ക​ൾ അ​ട​ക്ക​മു​ള്ള നി​ര​വ​ധി ന​ഴ്സു​മാ​ർ ഇ​ത്ത​ര​ത്തി​ൽ കാ​ളു​ക​ൾ വ​ന്ന​താ​യി അ​റി​യി​ച്ചു. സി.​ഐ.​ഡി ഓ​ഫി​സി​ൽ നി​ന്നാ​ണെ​ന്നും വാ​ക്സി​നേ​ഷ​ൻ വി​വ​ര​ങ്ങ​ൾ ചോ​ദി​ച്ചും വി​ളി​ക്കു​ന്നു​ണ്ട്. മാ​സ​ങ്ങ​ൾ​ക്കു മു​മ്പ് പാ​കി​സ്താ​നി സ്വ​ദേ​ശി​യാ​യ ന​ഴ്സി​ന്റെ ആ​റു​ല​ക്ഷ​ത്തോ​ളം രൂ​പ​യാ​ണ് ഒ​റ്റ​യ​ടി​ക്ക് ന​ഷ്ട​പ്പെ​ട്ട​ത്. ന​ഴ്സു​മാ​രെ ല​ക്ഷ്യ​മി​ട്ട് ത​ട്ടി​പ്പ് വ്യാ​പ​ക​മാ​യ​തോ​ടെ ജാ​ഗ്ര​ത പാ​ലി​ക്കാ​ൻ മ​ല​യാ​ളി ന​ഴ്സു​മാ​ർ വി​വി​ധ കൂ​ട്ടാ​യ്മ​ക​ളി​ൽ ഉ​ണ​ർ​ത്തു​ന്നു​ണ്ട്. ത​ങ്ങ​ളു​ടെ ഡേ​റ്റ​ക​ൾ എ​ങ്ങ​നെ ത​ട്ടി​പ്പ് സം​ഘ​ത്തി​ന്റെ കൈ​യി​ലെ​ത്തി എ​ന്ന​തി​ൽ ആ​ശ​ങ്ക​യും പ​ല​രും പ​ങ്കു​വെ​ച്ചു.