ദമാം: കിഴക്കൻ സഊദിയിലെ സിറ്റിയില് ദിവസങ്ങള്ക്ക് മുമ്പ് കാര് നിയന്ത്രണം വിട്ട് ഈന്തപ്പനയിലിടിച്ചുണ്ടായ അപകടത്തില് ഗുരുതര പരിക്കേറ്റ് ചികില്സയില് കഴിഞ്ഞിരുന്ന വിദ്യാര്ഥി മരിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ദമാം ഇന്ത്യന് സ്കൂള് എട്ടാം തരം വിദ്യാര്ഥി അമ്മാര് അസ്ഹറാണ് ഇന്ന് മരിച്ചത്. ഹൈദരാബാദ് സ്വദേശി മുഹമ്മദ് അസ്ഹറിന്റെ മകനാണ്. അപകടത്തില് കൂടെയുണ്ടായിരുന്ന മറ്റു രണ്ട് വിദ്യാര്ഥികള് അപകടസ്ഥലത്ത് വെച്ച് തന്നെ മരിച്ചിരുന്നു.
ഇതിലൊരാള് അമ്മാറിന്റെ സഹാദരന് ഇബ്രാഹീം അസ്ഹറും മറ്റൊരാള് കാര് ഓടിച്ചിരുന്ന സുഹൃത്ത് ഹസന് റിയാസുമായിരുന്നു. മൂവരും ഹൈദരാബാദ് സ്വദേശികളും ദമാം ഇന്ത്യന് സ്കൂളിലെ വിദ്യാര്ഥികളുമാണ്. മൃതദേഹം സാമൂഹ്യ പ്രവര്ത്തകന് നാസ് വക്കത്തിന്റെ നേതൃത്വത്തില് നടപടികള് പൂര്ത്തിയാക്കി ദമാമിൽ മറവ് ചെയ്യും.
ഇക്കഴിഞ്ഞ 13 നായിരുന്നു ദാരുണ അപകടം. വിദ്യാർത്ഥികൾ ഓടിച്ചിരുന്ന കാർ നിയന്ത്രണം വിട്ട് റോഡരികലെ ഈന്തപ്പന മരത്തിലേക്ക് ഇടിച്ചുകയറിയാണ് അപകടം. ദമാം ഗവർണർ ഹൗസിന് മുന്നിലുള്ള റോഡിൽ 13 ന് ചൊവ്വാഴ്ച വൈകീട്ടാണ് പ്രവാസികളെ നടുക്കിയ അപകടം ഉണ്ടായത്. അപകടത്തിൽ കാറിലുണ്ടായിരുന്ന ഹൈദരാബാദ് സ്വദേശികളായ ഇബ്രാഹിം അസ്ഹർ (16), ഹസ്സൻ റിയാസ് (18) എന്നിവർ തൽക്ഷണം മരിച്ചു. ഒപ്പമുണ്ടായിരുന്ന അമ്മാർ ഗുരുതരാവസ്ഥയിൽ ആശുപത്രിയിൽ ചികിത്സയിലായിരുന്നു.
ദമാം ഇൻറർനാഷണൽ ഇന്ത്യൻ സ്കൂൾ വിദ്യാർത്ഥികളും, ഒരേ കെട്ടിടത്തിലെ വിവിധ ഫ്ലാറ്റുകളിൽ താമസിക്കുന്നവരുമാണ് ഇവർ. വൈകീട്ട് സുഹൃത്തുക്കൾ മൂന്നു പേരും അമ്മാറിന്റെ പിതാവിന്റെ മസ്ദ കാറുമായി പുറത്തേക്ക് പോയതായിരുന്നു. ഡ്രൈവിംങ് ലൈസൻസുള്ള ഹസൻ റിയാസാണ് കാർ ഓടിച്ചിരുന്നത്. അതിവേഗതയിലായിരുന്ന കാർ നിയന്ത്രണം വിട്ട് റോഡരികിലുള്ള ഈന്തപ്പനയിലേക്ക് ഇടിച്ചു കയറുകയായിരുന്നു. പൂർണ്ണമായും തകർന്ന കാർ വെട്ടിപ്പൊളിച്ചാണ് മൂവരേയും പുറത്തെടുത്തത്. ഇതിന്റെ ദൃശ്യങ്ങൾ ഏവരെയും ഞെട്ടിക്കുന്നതായിരുന്നു. ഇതിന്റെ കൂടുതൽ വിവരങ്ങൾ ഉൾപ്പെടുന്ന അന്നത്തെ വാർത്ത വായിക്കാം. ലിങ്ക് താഴെ.
——— ———– ———- ———- ———-
ഏറ്റവും വിശ്വാസ്യതയുള്ള വാർത്തകള്, പ്രത്യേകിച്ച് ഗൾഫ് തത്സമയ വിവരങ്ങൾ, വിശേഷങ്ങൾ, തൊഴിൽ അവസരങ്ങൾ എന്നിവക്ക് Malayalam Press വെബ്സൈറ്റ് ഫോളോ ചെയ്യൂ.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
