ഷാര്ജ: യുവാക്കള്ക്കിടയില് വര്ധിച്ചുവരുന്ന മയക്കുമരുന്ന് ഉപയോഗത്തിനെതിരെ രാജ്യത്തിന് പുറത്തെ മയക്കുമരുന്ന് വിതരണ കേന്ദ്രങ്ങളില് സ്ഥിരം സന്ദര്ശനം നടത്തുന്ന യുഎഇ നിവാസികള്ക്കെതിരേ മുന്നറിയിപ്പുമായി അധികൃതര്.
ചില രാജ്യങ്ങളില് മയക്കുമരുന്ന് ഉപയോഗം നിയമവിധേയമാണെങ്കിലും അവിടങ്ങളിലെ മയക്കുമരുന്ന് വിതരണ കഫേകളിലെയും മറ്റു കേന്ദ്രങ്ങളിലെയും സ്ഥിരം സന്ദര്ശകര് നടപടികള് നേരിടേണ്ടിവരുമെന്ന് യുഎഇ അധികൃതര് മുന്നറിയിപ്പ് നല്കി.
ചില രാജ്യങ്ങളില് മയക്കു മരുന്ന് ഉപയോഗം നിയമ വിധേയമാണെങ്കിലും ഇവിടങ്ങളിലെ മയക്കുമരുന്ന് വിതരണ കേന്ദ്രങ്ങള് സന്ദര്ശിക്കുന്ന സ്വദേശികളെയും പ്രവാസികളെയും നിരീക്ഷിക്കാനും അവര് യുഎഇയില് മടങ്ങിയെത്തിയാല് അവരെ അറസ്റ്റ് ചെയ്യുന്നത് ഉള്പ്പടെയുള്ള നടപടികള്ക്ക് മുതിരാനും പോലിസ് മടിക്കില്ലെന്ന് അദ്ദേഹം പറഞ്ഞു.
ഷാര്ജയിലെ സിറ്റി സെന്റര് അല് സഹിയ മാളില് ‘ഇത് തടയാന് ഞങ്ങളോടൊപ്പം ചേരൂ’ എന്ന മുദ്രാവാക്യവുമായി നടത്തിയ ഡ്രഗ് പ്രിവന്ഷന് ഫോറത്തിന്റെ ഉദ്ഘാടന വേളയില് ഷാര്ജ പോലീസ് കമാന്ഡര് ഇന് ചീഫ് മേജര് ജനറല് സെയ്ഫ് അല് സാരി അല് ഷംസിയുടെയും മുതിര്ന്ന ഉദ്യോഗസ്ഥരുടെയും സാന്നിധ്യത്തിലായിരുന്നു ഡ്രഗ് കണ്ട്രോള് കൗണ്സില് ചെയര്മാന്റെ മുന്നറിയിപ്പ്.
