റിയാദ്: രാജ്യത്തെത്തുന്ന സന്ദർശകരുടെ കേസുകളുടെ നടപടിക്രമങ്ങൾക്ക് പെട്ടെന്ന് പരിഹാരം കാണുന്നതതിനായി സംവിധാനം ഒരുക്കാൻ ഒരുങ്ങി സഊദി അറേബ്യ. രാജ്യത്തെത്തുന്ന ടൂറിസം ഉൾപ്പെടെയുള്ള സന്ദർശകർക്ക് നിയമ നടപടികൾ പെട്ടെന്ന് തീർക്കാൻ സഹായിക്കുന്ന തരത്തിൽ സഊദിയിലെ എല്ലാ വിമാനത്താവളങ്ങളിലും പ്രോസിക്യൂഷൻ ഓഫീസുകൾ സംവിധാനിക്കാനാണ് തീരുമാനം. ഇതിനായി പബ്ലിക് പ്രോസിക്യൂഷൻ പബ്ലിക് പ്രോസിക്യൂഷന്റെ ആസ്ഥാനത്ത് ടൂറിസത്തിനായി ഒരു പുതിയ പ്രത്യേക വിഭാഗത്തിന് തന്നെ രൂപം നൽകിയിട്ടുണ്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
രാജ്യത്തെ മുഴുവൻ അന്താരാഷ്ട്ര, പ്രാദേശിക വിമാനത്താവളങ്ങളിൽ ടൂറിസം പ്രോസിക്യൂഷന്റെ പ്രത്യേക യൂണിറ്റുകൾ സ്ഥാപിക്കാൻ അറ്റോർണി ജനറലും പബ്ലിക് പ്രോസിക്യൂഷൻ കൗൺസിൽ ചെയർമാനുമായ ശൈഖ് സഊദ് അൽ മുഅജബ് നിർദേശവും നൽകി.
വിനോദസഞ്ചാരികളുടെയും സന്ദർശകരുടെയും കേസുകളുടെ നടപടിക്രമങ്ങൾ ചുരുങ്ങിയ സമയത്തിനുള്ളിൽ പൂർത്തിയാക്കാൻ പുതിയ പ്രോസിക്യൂഷൻ ലക്ഷ്യമിടുന്നു രാജ്യത്തെ നിയമ വ്യവസ്ഥകൾക്കും നീതിയുടെ തത്വങ്ങൾക്കും അനുസൃതമായും ഇത് നടപ്പാക്കാനാണ് തീരുമാനം. ടൂറിസം പ്രോസിക്യൂഷൻ പബ്ലിക് പ്രോസിക്യൂട്ടറുമായി നേരിട്ട് ബന്ധപ്പെടുത്തുകയും എല്ലാ നിയമ നടപടികളും സ്വീകരിക്കുകയും നിയമ സംവിധാനത്തിന് അനുസൃതമായി കേസുകൾ തീർപ്പാക്കുകയും ചെയ്യും. കൂടാതെ വിനോദസഞ്ചാരികൾക്ക് അവരുടെ അവകാശങ്ങളും ഗ്യാരണ്ടികളും ലഭിക്കുന്നുണ്ടെന്ന് ഉറപ്പാക്കാൻ 24 മണിക്കൂറും പ്രവർത്തിക്കും.
പബ്ലിക് പ്രോസിക്യൂഷനിലെ യോഗ്യരായ അംഗങ്ങളുടെയും അവരുടെ അസിസ്റ്റന്റുമാരുടെയും പരിശീലനവും ആവശ്യമായ വൈദഗ്ധ്യവും ഉള്ള ഒരു കേഡർ, നിയമപരമായ കഴിവുകളുടെയും അന്താരാഷ്ട്ര ഉടമ്പടികളുടെയും കരാറുകളുടെയും ഉയർന്ന മാനദണ്ഡങ്ങൾക്കനുസൃതമായി പുതിയ യൂണിറ്റുകളിൽ പ്രവർത്തിക്കും.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
