സഅദിയെ കൂടാതെ മറ്റു മൂന്നുപേരുടെ നോമിനേഷൻ റദ്ദാക്കിയതും പിൻവലിച്ചു
ബംഗളൂരു: കർണാടക വഖഫ് ബോർഡ് ചെയർമാൻ ഷാഫി സഅദി ഉൾപ്പെട നാല് പേരുടെ നോമിനേഷൻ റദ്ദാക്കിയ ഉത്തരവ് കർണാടക സർക്കാർ പിൻവലിച്ചു. ഷാഫി സഅദി വഖഫ് ബോർഡ് ചെയർമാനായി തുടരും. നോമിനേഷൻ റദ്ദാക്കിയത് പിൻവലിച്ചതിൽ സന്തോഷമുണ്ടെന്ന് ഷാഫി സഅദി പ്രതികരിച്ചതായി വാർത്ത പ്രസിദ്ധീകരിച്ച സിറാജ് റിപ്പോർട്ട് ചെയ്യുന്നു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
സഅദിയെ കൂടാതെ മിർ അസ്ഹർ ഹുസൈൻ, ജി. യാക്കൂബ്, ഐ.എ.എസ് ഓഫീസറായ സെഹെറ നസീം എന്നീ വഖഫ് ബോർഡ് അംഗങ്ങളുടെയും നോമിനേഷൻ റദ്ദാക്കിയിരുന്നു. ഇന്നലെയാണ് സിദ്ധരാമയ്യ സർക്കാർ ഇതുസംബന്ധിച്ച് ഉത്തരവിറക്കിയത്.
പുതിയ സർക്കാർ അധികാരത്തിലേറിയതിന് പിന്നാലെ വിവിധ ബോർഡുകളിലെ ചെയർമാൻ പദവികൾ റദ്ദാക്കിയ കൂട്ടത്തിലാണ് വഖഫ് ബോർഡ് നോമിനേഷനുകളും റദ്ദാക്കിയത്. എന്നാൽ ഇന്ന് ഈ ഉത്തരവ് പിൻവലിച്ച് പുതിയ ഉത്തരവിറക്കുകയായിരുന്നുവെന്നാണ് റിപ്പോർട്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
