ദോഹ: ഖത്തറില്
കെട്ടിടം തകര്ന്നുവീണുണ്ടായ അപകടത്തില് മരിച്ചവരിൽ ഒരു മലയാളി കൂടി.
മലപ്പുറം പൊന്നാനി മാറഞ്ചേരി സ്വദേശിയായ നൗഷാദ് മണ്ണറയിലിന്റെ (44) മൃതദേഹമാണ് ശനിയാഴ്ച രാവിലെ ബന്ധുക്കള് തിരിച്ചറിഞ്ഞത്.
ഇതോടെ അപകടത്തിലെ ആകെ മരണസംഖ്യ മൂന്നായി. മരിച്ചവരില് രണ്ട് പേരും മലയാളികളാണ്. ബില്ശിയാണ് നൗഷാദിന്റെ ഭാര്യ. മുഹമ്മദ് റസല്, റൈസ എന്നിവര് മക്കളാണ്.
നിലമ്പൂര് ചന്തക്കുന്ന് സ്വദേശിയും ഖത്തറിലെ അറിയപ്പെടുന്ന കലാകാരനുമായ മുഹമ്മദ് ഫൈസല് പാറപ്പുറവന് (ഫൈസല് കുപ്പായി – 48) ആണ് അപകടത്തില് മരിച്ച മറ്റൊരു മലയാളി. വെള്ളിയാഴ്ച രാത്രിയാണ് ഫൈസലിന്റെ മൃതദേഹം കണ്ടെത്തിയത്.
