റിയാദ്: തുർക്കിയിലെയും സിറിയയിലെയും ഭൂകമ്പത്തിൽ വലയുന്ന ജനങ്ങളെ സഹായിക്കാൻ സഊദിയുടെ ജനകീയ പ്രചാരണത്തിന്റെ ആകെ തുക 440 ദശലക്ഷത്തിലധികം റിയാൽ എത്തി.
കിംഗ് സൽമാൻ ഹ്യുമാനിറ്റേറിയൻ എയ്ഡ് ആൻഡ് റിലീഫ് സെന്റർ (കെഎസ്ആർ റിലീഫ്) സഹേം പ്ലാറ്റ്ഫോമിലൂടെ കാമ്പെയ്ൻ ആരംഭിച്ച് പതിനാറ് ദിവസങ്ങൾക്ക് ശേഷം, കാമ്പെയ്നിൽ സംഭാവന നൽകിയ ദാതാക്കളുടെ എണ്ണം ഏകദേശം 1.8 ദശലക്ഷത്തിലെത്തി.
അടുത്തിടെ തുർക്കിയിലും സിറിയയിലും ഉണ്ടായ ഭൂകമ്പത്തിൽ ദുരിതമനുഭവിക്കുന്നവരെ സഹായിക്കുന്നതിനായി രണ്ട് വിശുദ്ധ മസ്ജിദുകളുടെ സംരക്ഷകൻ സൽമാൻ രാജാവിന്റെയും കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ എന്നിവരുടെ നിർദ്ദേശങ്ങൾ നടപ്പിലാക്കുന്നതിനാണ് കെഎസ്ആർലീഫ് ഈ മാനുഷിക കാമ്പയിൻ ആരംഭിച്ചത്.
43,000-ത്തിലധികം ആളുകളുടെ മരണത്തിനും ആയിരക്കണക്കിന് ആളുകൾക്ക് പരിക്കേൽക്കുന്നതിനും ഇടയാക്കിയ ഭൂകമ്പത്തിൽ ഇരയായവരെ തിരയാൻ സഹായിക്കുന്നതിനായി സൗദി സെർച്ച് ആൻഡ് റെസ്ക്യൂ ടീം രണ്ടാഴ്ചയിലേറെ ചെലവഴിച്ചതിന് ശേഷം തുർക്കി വിട്ടു എന്നത് എടുത്തുപറയേണ്ടതാണ്.
