തുർക്കി: തുർക്കി ആരോഗ്യ മന്ത്രി ഫഹ്റെറ്റിൻ കോക്ക കിംഗ് സൽമാൻ ഹ്യുമാനിറ്റേറിയൻ എയ്ഡ് ആൻഡ് റിലീഫ് സെന്റർ (KSrelief) യുടെയും സഊദി റെഡ് ക്രസന്റിന്റെയും പ്രതിനിധി സംഘവുമായി കൂടിക്കാഴ്ച നടത്തി.
ഭൂകമ്പബാധിത പ്രദേശങ്ങളിലെ ഭൂകമ്പബാധിതർക്ക് അടിയന്തര വൈദ്യസഹായം നൽകാനുള്ള മന്ത്രാലയത്തിന്റെ അഭ്യർത്ഥനയോട് സഊദി അറേബ്യയുടെ അതിവേഗ പ്രതികരണത്തെ തുർക്കി ആരോഗ്യ മന്ത്രി പ്രശംസിച്ചു.
രണ്ട് വിശുദ്ധ മസ്ജിദുകളുടെ സംരക്ഷകനായ സൽമാൻ രാജാവിനും കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ സർക്കാരിനും അദ്ദേഹം ആത്മാർത്ഥമായ നന്ദി അറിയിച്ചു.
ദുരിതബാധിത പ്രദേശങ്ങളിൽ തങ്ങളുടെ മാനുഷിക പ്രവർത്തനങ്ങൾ നിർവഹിക്കുന്നതിന് സഊദി മെഡിക്കൽ സ്റ്റാഫിന് തുർക്കി സർക്കാർ ഒരുക്കിയ സൗകര്യങ്ങൾക്ക് പ്രതിനിധി സംഘം നന്ദി അറിയിച്ചു.
സഊദി ദുരിതാശ്വാസ എയർലിഫ്റ്റിൽ ഭൂകമ്പ ബാധിതരെ സഹായിക്കുന്നതിനും അവരുടെ ദുരിതങ്ങൾ ലഘൂകരിക്കുന്നതിനുമായി വിവിധ മെഡിക്കൽ ഉപകരണങ്ങളും സപ്ലൈകളും നൽകിവരികയാണ്.
