റിയാദ്: സഊദി മീഡിയ ഫോറം ‘ബി എ ബ്രോഡ്കാസ്റ്റർ’ എന്ന പേരിൽ ഒരു സംരംഭം ആരംഭിക്കുന്നു. സഊദി ബ്രോഡ്കാസ്റ്റിംഗ് അതോറിറ്റി (എസ്ബിഎ), എംബിസി മീഡിയ ഗ്രൂപ്പ്, റൊട്ടാന ചാനൽസ് നെറ്റ്വർക്ക്, അൽ-അറേബ്യ ചാനൽ എന്നിവ പ്രതിനിധീകരിക്കുന്ന മൂന്ന് മാധ്യമ സ്ഥാപനങ്ങളുടെ പങ്കാളിത്തത്തോടെയാണ് ഇത്തരത്തിലുള്ള ആദ്യ സംരംഭം.
വൈവിധ്യമാർന്ന മേഖലകളിൽ വിപുലമായ അനുഭവപരിചയമുള്ള പ്രഗത്ഭരായ മാധ്യമ പ്രവർത്തകരെ ഉൾപ്പെടുത്തി ഒരു പ്രത്യേക ആർബിട്രേഷൻ കമ്മിറ്റി മുഖേന പ്രതിഭാധനരായ യുവാക്കളെ ഇതിലൂടെ പരിശീലിപ്പിക്കും.
പ്രോഗ്രാമിൽ പങ്കെടുക്കുന്ന മീഡിയ ഏജൻസികൾ മത്സരാർത്ഥികൾക്ക് ഡിജിറ്റലിലും മറ്റ് വിവിധ രൂപങ്ങളിലും മീഡിയ ഉള്ളടക്കം നിർമ്മിക്കുന്ന മേഖലയിലെ ശാസ്ത്രീയ ആശയങ്ങളെയും പ്രായോഗിക പ്രയോഗങ്ങളെയും കുറിച്ച് പഠിക്കാനുള്ള അവസരം നൽകും.
ഈ പങ്കാളിത്തം സൗദി മീഡിയ ഫോറത്തെ കഴിവുറ്റ വ്യക്തികളെ വളർത്തിയെടുക്കാനും മികച്ച നേട്ടങ്ങൾ കൈവരിച്ചവർക്കായി വിവിധ സ്പെഷ്യലൈസേഷനുകളിൽ തൊഴിലവസരങ്ങൾ തുറന്ന് അവർക്ക് വാഗ്ദാനമായ തൊഴിൽ അവസരങ്ങൾ നൽകാനും സഹായിക്കും.
