ദമാം: ദമാം, റിയാദ് റോഡ് ഇന്നു മുതൽ ഘട്ടംഘട്ടമായി അടക്കുമെന്ന് കിഴക്കൻ പ്രവിശ്യ ട്രാഫിക് ഡിപ്പാർട്ട്മെന്റ് അറിയിച്ചു.
ദമാം, റിയാദ് റോഡിൽ അബൂഹദ്രിയ റോഡ് ഇന്റർസെക്ഷൻ മുതൽ പ്രിൻസ് മുഹമ്മദ് ബിൻ ഫഹദ് റോഡ് ഇന്റർസെക്ഷൻ വരെയുള്ള ഭാഗമാണ് ഗതാഗത മന്ത്രാലയവുമായി ഏകോപനം നടത്തി അറ്റകുറ്റപ്പണികൾക്കു വേണ്ടി ഘട്ടംഘട്ടമായി അടക്കുന്നത്. അബു ഹദ്രിയ റോഡ് ഇന്റർസെക്ഷൻ മുതൽ പ്രിൻസ് മുഹമ്മദ് ബിൻ ഫഹദ് റോഡ് ഇന്റർസെക്ഷൻ വരെ 10 കിലോമീറ്റർ നീളത്തിൽ സർവീസ് റോഡിലൂടെ ഇരുവശത്തേക്കും അറ്റകുറ്റപ്പണികൾ ആരംഭിക്കും. ഉസ്മാൻ ബിൻ അഫാൻ റോഡിന്റെ ജംഗ്ഷൻ മുതൽ മുഹമ്മദ് ബിൻ ഫഹദ് രാജകുമാരന്റെ ജംഗ്ഷൻ വരെ രണ്ട് ദിശകളിലുമായി മൂന്ന് കിലോമീറ്റർ ദൈർഘ്യമുള്ള പ്രധാന റോഡും നന്നാക്കും.
കിഴക്കൻ മേഖലയിലെ ജനങ്ങൾക്കും താമസക്കാർക്കും നൽകുന്ന സേവനം മെച്ചപ്പെടുത്തുന്നതിനും ജീവിത നിലവാരം മെച്ചപ്പെടുത്തുന്നതിനും റോഡുകൾ വികസിപ്പിക്കുന്നതിനുമുള്ള പദ്ധതികളുടെ ഭാഗമാണ് മന്ത്രാലയത്തിൽ നിന്നുള്ള ഈ ശ്രമങ്ങൾ.
