കുവൈത്ത് സിറ്റി: പ്രവാസി തൊഴിലാളിയെ മര്ദിച്ച സംഭവത്തില് ആഭ്യന്തര മന്ത്രാലയത്തിലെ ഉദ്യോഗസ്ഥന് കുവൈത്തില് അറസ്റ്റിലായി. എല്ലാ ദിവസവും കാര് കഴുകണമെന്ന് നിര്ദേശിച്ചിരുന്നെങ്കിലും കഴിഞ്ഞ മൂന്ന് ദിവസമായി ഇയാള് കാര് കഴുകാത്തതാണ് ഉദ്യോഗസ്ഥനെ ചൊടിപ്പിച്ചത്. ഇതേ തുടര്ന്ന് ഇയാള് തൊഴിലാളിയെ മര്ദിക്കുകയായിരുന്നു. ഇതിന്റെ ദൃശ്യങ്ങള് സാമൂഹിക മാധ്യമങ്ങളിലൂടെ പ്രചരിക്കുകയും ചെയ്തു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
സംഭവത്തില് ഉദ്യോഗസ്ഥനെതിരെ കേസ് രജിസ്റ്റര് ചെയ്യുകയും പിന്നാലെ ഇയാളെ അറസ്റ്റ് ചെയ്യുകയും ചെയ്തു. മര്ദിച്ചയാളിനെതിരെ തുടര് നിയമനടപടികള് സ്വീകരിച്ചുവരികയാണെന്ന് ആഭ്യന്തര മന്ത്രാലയം ട്വീറ്റ് ചെയ്തു. ഒരാളും രാജ്യത്തെ നിയമങ്ങള്ക്ക് അതീതനല്ലെന്നും മന്ത്രാലയം പുറത്തിറക്കിയ വിശദീകരണത്തില് പറയുന്നു. മര്ദനമേറ്റ പ്രവാസി ബംഗ്ലാദേശ് പൗരനാണെന്നാണ് കുവൈത്തിലെ പ്രാദേശിക മാധ്യമങ്ങളുടെ റിപ്പോര്ട്ടുകളില് വ്യക്തമാക്കിയിരിക്കുന്നത്.
2021©Malayalam Press