ജിദ്ദ: മാലിന്യം അലക്ഷ്യമായി വലിച്ചെറിയുന്നവർക്കെതിരെ മുന്നറിയിപ്പുമായി അധികൃതർ. യാംബുവിൽ റോഡിലേക്ക് സിഗരറ്റ് കുറ്റി വലിച്ചെറിഞ്ഞ പാകിസ്താനി യുവാവിന് 1000 റിയാലിന്റെ പിഴ കിട്ടി. നേരത്തെ സമാനമായ കുറ്റം ചെയ്ത ഇയാൾക്ക് 500 റിയാലിന്റെ പിഴ ചുമത്തിയിരുന്നു. തെറ്റ് ആവർത്തിച്ചത് കൊണ്ടാണ് ഇത്തവണ 1,000 റിയാലിന്റെ പിഴ കിട്ടിയത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
യാംബുവിൽ തന്നെ ബേക്കറിയിൽനിന്ന് ഈത്തപ്പഴം വാങ്ങിയ മലയാളി യുവാവ് കഴിച്ച ശേഷം കുരു കടയുടെ മുന്നിൽ വലിച്ചെറിഞ്ഞത് കണ്ട പൊലീസ് ഉടൻ 500 റിയാലിന്റെ പിഴ ചുമത്തി.
മാലിന്യ സംസ്കരണ നിയമത്തിന്റെയും നിർവഹണ ചട്ടങ്ങളുടെയും അടിസ്ഥാനത്തിൽ ഇത്തരത്തിലുള്ള ലംഘനങ്ങളെ തരംതിരിച്ച് പിഴകൾ എന്തെല്ലാമെന്ന് അടുത്തിടെ നാഷനൽ സെൻറർ ഫോർ വേസ്റ്റ് മാനേജ്മെൻറ് വ്യക്തമാക്കിയിരുന്നു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
