റിയാദ്: അൽ-അഖ്സ പള്ളിയുടെ മുറ്റത്ത് ഇരച്ചുകയറിയ ഇസ്രായേൽ ഉദ്യോഗസ്ഥൻ നടത്തിയ പ്രകോപനപരമായ നടപടികളെ സഊദി അറേബ്യ അപലപിച്ചു.
അന്താരാഷ്ട്ര സമാധാന ശ്രമങ്ങളെ തുരങ്കം വയ്ക്കുന്നതും മതപരമായ വിശുദ്ധികളോടുള്ള ബഹുമാനം സംബന്ധിച്ച അന്താരാഷ്ട്ര തത്വങ്ങൾക്കും മാനദണ്ഡങ്ങൾക്കും വിരുദ്ധവുമായ ഇസ്രായേൽ അധിനിവേശ അധികാരികളുടെ നടപടികളിൽ ഖേദം പ്രകടിപ്പിക്കുന്നതായി വിദേശകാര്യ മന്ത്രാലയം പ്രസ്താവനയിൽ അറിയിച്ചു.
പലസ്തീൻ ജനതയ്ക്കൊപ്പം നിൽക്കാനും അധിനിവേശം അവസാനിപ്പിക്കാനും ഫലസ്തീൻ പ്രശ്നത്തിന് ന്യായവും സമഗ്രവുമായ ഒരു പരിഹാരത്തിൽ എത്തിച്ചേരാനും ലക്ഷ്യമിടുന്ന എല്ലാ ശ്രമങ്ങളെയും പിന്തുണയ്ക്കാനുള്ള സൗദി അറേബ്യയുടെ ഉറച്ച നിലപാട് മന്ത്രാലയം ആവർത്തിച്ചു.
