ജിദ്ദ: അന്തരിച്ച ഇതിഹാസ സംഗീതജ്ഞനും സംഗീത സംവിധായകനുമായ തലാൽ മദ്ദഹിനെ സഊദി അറേബ്യ ആദരിക്കുന്നു. മിഡിൽ ഈസ്റ്റിൽ നിന്നുള്ള പതിനായിരക്കണക്കിന് കലാകാരന്മാരുടെ പങ്കാളിത്തത്തോടെ റിയാദ് സീസൺ 2022 ന്റെ ഭാഗമായുള്ള പരിപാടിയിലാകും ആദരിക്കുക.
ജനറൽ എന്റർടൈൻമെന്റ് അതോറിറ്റിയുടെ (ജിഇഎ) ഡയറക്ടർ ബോർഡ് ചെയർമാൻ തുർക്കി അൽ-ഷൈഖ്, തലാൽ മദ്ദയുടെ മക്കളെ അവരുടെ പിതാവിന്റെ രചനയുടെ പകർപ്പവകാശവുമായി ബന്ധപ്പെട്ട് ഒരു കരാറിലെത്തുമെന്ന് പ്രഖ്യാപിച്ചു.
തലാൽ മദ്ദഹിനെ ആദരിക്കുന്നതിനുള്ള ചടങ്ങിൽ പങ്കെടുക്കാൻ എല്ലാ അറബ് കലാകാരന്മാരോടും അദ്ദേഹം ആഹ്വാനം ചെയ്തു. മുഹമ്മദ് അബ്ദു, റഷീദ് അൽമാജിദ്, അബ്ദുൽമജീദ് അബ്ദുല്ല, അസല, അഹ്ലം എന്നിവരും മറ്റും ഉൾപ്പെടെ 31-ലധികം പ്രശസ്ത അറബ് കലാകാരന്മാർ പരിപാടിയിൽ പങ്കെടുക്കും. പരിപാടിയുടെ തീയതി ഇതുവരെ പ്രഖ്യാപിച്ചിട്ടില്ല.
ഏകദേശം 50 വർഷത്തോളം നീണ്ടുനിന്ന ഇദ്ദേഹത്തിന്റെ കരിയറിൽ ആയിരത്തിലധികം ഗാനങ്ങൾ രചിച്ചിട്ടുണ്ട്. 2000 ആഗസ്ത് 11-ന് തന്റെ 60-ാം ജന്മദിനത്തിന് ഏതാനും ദിവസങ്ങൾക്ക് ശേഷം ഒരു ലൈവ് ടിവി പ്രകടനത്തിനിടെ ഹൃദയാഘാതം മൂലമാണ് ഇദ്ദേഹം മരിച്ചത്.
ഇരുപതാം നൂറ്റാണ്ടിലെ അറബി സംസ്കാരത്തിലും സംഗീതത്തിലും ഇദ്ദേഹം മായാത്ത മുദ്ര പതിപ്പിച്ചു. മിഡിൽ ഈസ്റ്റിലും വടക്കേ ആഫ്രിക്കയിലും പ്രചാരത്തിലുള്ള സംഗീത ഉപകരണമായ ഔദ് വായിക്കുന്നതിൽ അദ്ദേഹം പ്രശസ്തനായിരുന്നു.
ഊദ് വായിക്കാനുള്ള കഴിവ് കാരണം ഈജിപ്ഷ്യൻ സംഗീതജ്ഞനായ മുഹമ്മദ് അബ്ദുൽ വഹാബ് അദ്ദേഹത്തിന് “സിരിയാബ്” എന്ന പദവി നൽകി.
