മലപ്പുറം: മാച്ച് റിവ്യൂകൾ പ്രവചിച്ച് സമൂഹമാധ്യമങ്ങളിൽ താരമായ കർഷകൻ സുബൈറിന് വീടൊരുക്കാൻ പ്രവാസി കൂട്ടുകാർ. ജില്ലയിലെ വാഴക്കാട് തടായിൽ സുബൈറാണ് ഫിഫ ലോകകപ്പ് മത്സരങ്ങളിൽ പ്രവചനം നടത്തി താരമായത്. കടുത്ത അർജന്റീന ആരാധകനായ ഇദ്ദേഹത്തെ ഫൈനൽ മത്സരത്തിനടക്കം കാണുന്നതിനായി ഖത്തറിലേക്ക് പറക്കാനുള്ള തന്റെ പ്രവാസി സുഹൃത്തുക്കളുടെ പല ഓഫറുകളും അദ്ദേഹം നിരസിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
ലോകകപ്പ് മത്സരം തുടങ്ങുന്നതിന് മുമ്പേ സെമി ഫൈനലിൽ കളിക്കുന്ന ടീമുകളെ അദ്ദേഹം പ്രവചിച്ചിരുന്നു. 28 വർഷത്തിന് ശേഷം കോപ്പ അമേരിക്ക കപ്പ് ചൂടിയ അർജൻറീനയുടെ കോച്ച് ലയണൽ സ്കലോനിയുടെ തന്ത്രത്തിലാണ് ടീമിന്റെ വിജയമെന്നും ഓരോ ടീമിനോടും വ്യത്യസ്ത ലൈനപ്പ് നൽകിയാണ് തന്ത്രങ്ങൾ മെനഞ്ഞതെന്നും സുബൈർക്ക ചൂണ്ടിക്കാട്ടി. അദ്ദേഹത്തിന്റെ വിശകലനങ്ങളും പ്രവചനങ്ങളും സോഷ്യൽ മീഡിയയിൽ വൈറലാണ്.
ഔപചാരിക വിദ്യാഭ്യാസം പകുതിപോലും നീണ്ടുനിൽക്കാത്ത 44 കാരനായ കർഷകൻ ഹൈസ്കൂളിനപ്പുറം, പത്രങ്ങളും മാഗസിനുകളും വായിച്ച് ഫുട്ബോളിലെ സംഭവവികാസങ്ങളെക്കുറിച്ച് സ്വയം അപ്ഡേറ്റ് ചെയ്യുന്നു. 140 കോടിയിലധികമുള്ള ഇന്ത്യയുടെ ലോകകപ്പ് സ്വപ്നം ഐ.എസ്.എല്ലിലൂടെ എളുപ്പമായതായും അദ്ദേഹം പ്രവചിച്ചു. വീടെന്ന സ്വപ്നം ബാക്കിയായ ഇദ്ദേഹം സഹോദരന്റെ വീട്ടിലാണ് താമസിക്കുന്നത്.
മാതാവും നാല് സഹോദരങ്ങളുമടങ്ങുന്നതാണ് സുബൈറിന്റെ കുടുംബം. ഇദ്ദേഹത്തിന്റെ പ്രവചനത്തിലെ കൃത്യത ഏറെ ഇഷ്ടപ്പെട്ട ഫുട്ബോൾ കൂട്ടുകളായ പ്രവാസി കൂട്ടുകാരാണ് ഇദ്ദേഹത്തിനായി വീട് ഒരുക്കി കൊടുക്കാമെന്ന് വാഗ്ദാനം നൽകിയത്. ഇതിന് നേതൃത്വം നൽകുന്നതാകട്ടെ കണ്ണൂർ സ്വദേശിയായ അഫിക്കയും.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
