ദോഹ: ഖത്തർ ഫിഫ ലോകകപ്പിന്റെ നാളെ നടക്കുന്ന ഫൈനലിനായുള്ള വിപുലമായ പ്രക്ഷേപണ പദ്ധതികൾ beIN മീഡിയ ഗ്രൂപ്പ് വെളിപ്പെടുത്തി. ഡിസംബർ 18- ന് ഞായറാഴ്ച അർജന്റീനയും ഫ്രാൻസും തമ്മിലുള്ള ഫൈനലിന്റെ തത്സമയവും പ്രത്യേകവും ബഹുഭാഷാ കവറേജും ഉൾപ്പെടുന്ന പദ്ധതികളാണ് beIN സ്പോർട്സ് വെളിപ്പെടുത്തിയത്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
അറബ് ലോകത്തെ ആദ്യത്തെ ടൂർണമെന്റ്, മിഡിൽ ഈസ്റ്റിലെയും വടക്കേ ആഫ്രിക്കയി (മെന) ലെയും കാഴ്ചക്കാർക്ക് കാണാൻ സാധ്യമാക്കുകയെന്ന പ്രതിജ്ഞാബദ്ധതയുടെ ഭാഗമായി beIn സ്പോർട്സിന്റെ ഫ്രീ-ടു-എയർ ചാനലിൽ പ്രക്ഷേപണം ചെയ്യും. മത്സരവും മുഴുവൻ ദിവസത്തെ കവറേജും beIN-ന്റെ ഔദ്യോഗിക YouTube ചാനലിൽ സൗജന്യ സ്ട്രീം ലഭ്യമാകും. ലൂസൈല് സ്റ്റേഡിയിത്തല് വൈകിട്ട് ആറു മണിക്കാണ് മത്സരമെങ്കിലും ‘beIN SPORTS MAX 1 ചാനലിലും യുട്യൂബ് ചാനലിലും സൗദി സമയം രാവിലെ 8 മണി മുതല്തന്നെ അറബിക് കവറേജ് ആരംഭിക്കും.
മിഡിൽ ഈസ്റ്റ് വടക്കേ ആഫ്രിക്ക (മെന) – യിലുടനീളമുള്ള 24 രാജ്യങ്ങളിലെ ഔദ്യോഗിക ബ്രോഡ്കാസ്റ്റർ എന്ന നിലയിൽ, ഖത്തറിനെയും അതിന്റെ തകർപ്പൻ ടൂർണമെന്റും ലോകത്തിന് മുന്നിൽ അവതരിപ്പിക്കുന്നതിൽ beIN പ്രധാന പങ്ക് വഹിച്ചിട്ടുണ്ട്. നവംബർ 20-ന് ആരംഭിച്ച ഏറ്റവും വലിയ സിംഗിൾ സ്പോർട്ടിങ് പരിപാടി 5 ബില്ല്യണിലധികം ആളുകളാണ് beIN ചാനലിലൂടെ കണ്ടത്.
മൂന്നാം ലോകകപ്പ് കിരീടം ഉറപ്പിക്കാൻ ഒരുങ്ങിയിരിക്കുന്ന അർജന്റീന ടീമും നിലവിലെ ലോക ചാമ്പ്യന്മാരായ ഫ്രാൻസും തമ്മിലുള്ള ഞായറാഴ്ചത്തെ ഫൈനൽ ട്രോഫി മത്സരം ചരിത്രത്തിൽ ഏറ്റവുമധികം ആളുകൾ വീക്ഷിക്കുന്ന കായിക ഇനങ്ങളിൽ ഒന്നായിരിക്കുമെന്നാണ് കരുതുന്നത്. ഈ ഞായറാഴ്ച നടക്കുന്ന ഫിഫ ലോകകപ്പിന്റെ ഫൈനൽ ഫുട്ബോളിനും അറബ് ലോകത്തിനും beIN നിനും ചരിത്രപരമായ അവസരമായിരിക്കുമെന്ന് beIN മെനയുടെ സിഇഒ മുഹമ്മദ് അൽ സുബൈ പറഞ്ഞു. ഇക്കാരണത്താൽ തന്നെ, അത് കാണാൻ ആഗ്രഹിക്കുന്ന പരമാവധി ആളുകൾക്ക് ഇത് ലഭ്യമാണെന്ന് ഉറപ്പാക്കാൻ ഞങ്ങൾ തീരുമാനിച്ചുവെന്നും അദ്ദേഹം പറഞ്ഞു.
രണ്ട് മത്സരങ്ങൾ കൂടി ബാക്കിയുണ്ട്, ഞങ്ങൾ ആരംഭിച്ചതുപോലെ തന്നെ ടൂർണമെന്റ്പ്രക്ഷേപണം പൂർത്തിയാക്കാൻ തയ്യാറാണ്, കൂടാതെ, ചരിത്രത്തിന് സാക്ഷ്യം വഹിക്കാനും പ്രക്ഷേപണം ചെയ്യാനും കാത്തിരിക്കാനാവില്ലെന്നും കമ്പനി വ്യക്തമാക്കി. ഖത്തർ മീഡിയ ഗ്രൂപ്പിന്റെ ഉടമസ്ഥതയിലുള്ളതും പ്രവർത്തിപ്പിക്കുന്നതുമായ സ്പോർട്സ് ചാനലുകളുടെ ഒരു ആഗോള ശൃംഖലയാണ് beIN സ്പോർട്സ്. ഖത്തരി കായിക വിനോദങ്ങളുടെ വർധിച്ച വാണിജ്യവൽക്കരണത്തിൽ ഇത് വലിയ പങ്കുവഹിച്ചിട്ടുണ്ട്.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
