ദോഹ: ഫിഫ ലോകകപ്പ് മത്സരത്തിൽ അവസാന സെക്കൻഡ് വരെ മത്സരിക്കാൻ ഗ്രീൻ ഫാൽക്കൺ അചഞ്ചലമായ പോരാട്ടവീര്യം ത്തോടെ ഉണ്ടാകുമെന്ന് സഊദി അറേബ്യയുടെ കോച്ച് ഹെർവ് റെനാർഡ്.
തോൽവിക്കിടയിലും നിറ പുഞ്ചിരിയോട് കൂടിയാണ് അദ്ദേഹം പ്രതികരിച്ചത്. “ഞാൻ വെറുതെ പുഞ്ചിരിക്കുകയല്ല. എന്റെ ടീമിനെക്കുറിച്ചും ഞങ്ങൾ നേടിയതിനെക്കുറിച്ചും ഞാൻ അഭിമാനിക്കുന്നു. ആദ്യ പകുതി അവസാനിക്കുന്നതിന് മുമ്പ് ഞങ്ങൾക്ക് ഒരു സമനില ഉറപ്പാക്കേണ്ടതായിരുന്നു. ഞങ്ങൾ വലിയ പ്രയത്നങ്ങൾ നടത്തി, ടീം വലിയ ആക്രമണങ്ങൾ അഴിച്ചുവിട്ടു, എന്നാൽ ഏറ്റവും പ്രധാനപ്പെട്ട കാര്യം ഞങ്ങൾ ഇപ്പോഴും ഇവിടെ നിൽക്കുന്നു എന്നതാണ് ഞങ്ങൾ പൂർത്തിയാക്കി എന്ന് കരുതരുത്” മത്സരശേഷം പ്രസ്താവനകളിൽ അദ്ദേഹം ഇങ്ങനെ പറഞ്ഞു
“ഞങ്ങൾ ഇതുവരെ പൂർത്തിയാക്കിയിട്ടില്ല. ലോകകപ്പിലെ അവസാന സെക്കൻഡ് വരെ ഞങ്ങൾ പോരാട്ടം തുടരും എന്ന് അദ്ദേഹം പറഞ്ഞു. ക്യാപ്റ്റൻ സൽമാൻ അൽ ഫറജ്, ഡിഫൻഡർമാരായ യാസർ അൽ ഷഹ്റാനി, റിയാദ് ഷറാഹിലി, അബ്ദുല്ല അൽ മാലിക്കി തുടങ്ങിയ പ്രമുഖ താരങ്ങൾ ഇല്ലെങ്കിലും അവസാന റൗണ്ടിൽ മെക്സിക്കോയെ തോൽപ്പിക്കാനുള്ള തന്റെ മോഹത്തെക്കുറിച്ച് റെനാർഡ് പറഞ്ഞു.
