ജിദ്ദ: 2022-ൽ ഖത്തറിൽ നടക്കുന്ന ലോകകപ്പിനുള്ള മൂന്നാമത്തെയും അവസാനത്തെയും ഒരുക്കങ്ങൾക്കുള്ള 32 അംഗ ടീമിനെ സഊദി പരിശീലകൻ ഹെർവ് റെനാർഡ് പ്രഖ്യാപിച്ചു.
മുഹമ്മദ് അൽ ഒവൈസ്, ഫവാസ് അൽ ഖർനി, മുഹമ്മദ് അൽ യാമി, നവാഫ് അൽ അഖിദി, യാസർ അൽ ഷഹ്റാനി, അലി അൽ ബുലൈഹി, അബ്ദുല്ല അൽ അമ്രി, അബ്ദുല്ല മദു, ഹസൻ തംബക്തി, സുൽത്താൻ അൽ-ഗന്നം, അഹമ്മദ് ബമസൗദ്, സൗദ് അബ്ദുൽഹമീദ്, മുഹമ്മദ് അൽ-ബ്രേക്ക്, റിയാദ് ഷരാഹിലി, അലി അൽ-ഹസ്സൻ, മുഹമ്മദ് കാനൂ, അബ്ദുല്ല അൽ-മൽക്കി, സൽമാൻ അൽ-ഫറജ്, നാസർ അൽ-ദൗസരി, അബ്ദുല്ല ഒതയ്ഫ്, സാമി അൽ-നജീ, സേലം അൽ-ദൗസരി, അബ്ദുൽറഹ്മാൻ അൽ-അബൗദ്, ഫഹദ് അൽ-മുവല്ലദ്, നവാഫ് അൽ-അബേദ്, ഹത്തൻ ബഹ്ബ്രി, അയ്മൻ യഹ്യ, ഹൈതം അസിരി, അബ്ദുല്ല റദീഫ്, അബ്ദുല്ല അൽ-ഹംദാൻ, സാലിഹ് അൽ-ഷെഹ്രി, ഫിറാസ് അൽ-ബുറൈകാൻ എന്നിവരടങ്ങുന്നതാണ് 32 കളിക്കാർ.
ഒക്ടോബർ 17 മുതൽ ഗ്രീൻ ഫാൽക്കൺസ് അബുദാബിയിൽ പരിശീലന ക്യാമ്പ് ആരംഭിക്കും. നവംബർ 20 ന് ടൂർണമെന്റ് ആരംഭിക്കുന്നതിന് മുന്നോടിയായി അഞ്ച് സൗഹൃദ മത്സരങ്ങളിൽ അവർ പങ്കെടുക്കും.
ഒക്ടോബർ 22-ന് അബുദാബി സായിദ് സ്പോർട്സ് സിറ്റി സ്റ്റേഡിയത്തിൽ നോർത്ത് മാസിഡോണിയയ്ക്കെതിരെയാണ് മത്സരങ്ങൾ. ഒക്ടോബർ 26-ന് അൽ-നഹ്യാൻ സ്റ്റേഡിയത്തിൽ അൽബേനിയ; ഒക്ടോബർ 30-ന് അൽ-നഹ്യാൻ സ്റ്റേഡിയത്തിൽ ഹോണ്ടുറാസ്; നവംബർ ആറിന് മുഹമ്മദ് ബിൻ സായിദ് സ്റ്റേഡിയത്തിൽ ഐസ്ലൻഡ്; ഒടുവിൽ, നവംബർ 10-ന് സായിദ് സ്പോർട്സ് സിറ്റി സ്റ്റേഡിയത്തിൽ പനാമ എന്നി മത്സരങ്ങൾ നടക്കും. പരിശീലന ക്യാമ്പിന് ശേഷം 26 അംഗ ഒഫീഷ്യൽ സ്ക്വാഡ് ദോഹയിലേക്ക് പറക്കും.
