റിയാദ്: സുരക്ഷാ നിരീക്ഷണ ക്യാമറ സംവിധാനത്തിൽ മോഷണവും ഗതാഗതക്കുരുക്കും നിരീക്ഷിക്കുമെന്ന് സഊദി ഡാറ്റ ആൻഡ് ആർട്ടിഫിഷ്യൽ ഇന്റലിജൻസ് അതോറിറ്റി (എസ്ഡിഎഐഎ) അറിയിച്ചു.
തിരക്കും ഗതാഗതക്കുരുക്കും കുറയ്ക്കുന്നതിനുള്ള പരിഹാരങ്ങൾ കണ്ടെത്തുന്നതിനൊപ്പം, മോഷണങ്ങളും സംഘർഷങ്ങളും നിരീക്ഷിച്ച് സുരക്ഷാ നിലവാരം വർദ്ധിപ്പിക്കുമെന്നും സൂചിപ്പിച്ചു.
കൂടാതെ ഇത് റെസ്റ്റോറന്റുകളിലെ ആരോഗ്യ ശുചിത്വ ലംഘനങ്ങൾ നിരീക്ഷിക്കുകയും സേവനങ്ങൾ നിലവാരം മെച്ചപ്പെടുത്തും
ആഭ്യന്തര മന്ത്രാലയം സുരക്ഷാ നിരീക്ഷണ ക്യാമറകളുടെ നിയമത്തിലെ വ്യവസ്ഥകൾ നടപ്പിലാക്കുന്നതിനുള്ള സമയബന്ധിത പദ്ധതി തയ്യാറാക്കാൻ ചുമതലപ്പെടുത്തിയിരിക്കുന്നത് ശ്രദ്ധേയമാണ്.
പദ്ധതി പ്രകാരം, ഈ സർക്കാർ സ്ഥാപനങ്ങൾ നിയമത്തിലെ വ്യവസ്ഥകൾക്ക് കീഴിൽ വരുന്ന ഓരോ വിഭാഗത്തിനും ക്യാമറയും സുരക്ഷാ നിരീക്ഷണ ഉപകരണങ്ങളും സ്ഥാപിക്കുന്നതിനുള്ള നിർബന്ധിത സമയപരിധി നിശ്ചയിക്കും.
