പഴയ വൈദ്യുത ബില്ലുകൾ എങ്ങനെ കാണാം? 4 ഘട്ടങ്ങൾ വിശദീകരിച്ച് സഊദി ഇലക്ട്രിസിറ്റി കമ്പനി

റിയാദ്: പഴയ ഉപഭോഗ ബില്ലുകളുടെ മൂല്യം ഉപഭോക്താവിനെ അറിയിക്കുന്നതിനുള്ള നടപടികൾ സഊദി ഇലക്‌ട്രിസിറ്റി കമ്പനി (സെക്) വ്യക്തമാക്കി.

വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക

സഊദി ഇലക്ട്രിസിറ്റി വെബ്‌സൈറ്റിൽ പ്രവേശിച്ച് കഴിഞ്ഞ 24 മാസത്തെ ഇൻവോയ്‌സുകൾ കാണാനും പ്രിന്റ് ചെയ്യാനും കഴിയുമെന്ന് കമ്പനി അറിയിച്ചു.

വെബ്സൈറ്റിൽ പ്രവേശിച്ച ശേഷം “എന്റെ ബില്ലുകൾ” എന്ന ഐക്കണിൽ ക്ലിക്ക് ചെയ്യുകയാണ് ആദ്യ ഘട്ടം. തുടർന്ന് അക്കൗണ്ട് നമ്പർ നൽകുകയും, മുമ്പത്തെ ബില്ലുകളിലും പേയ്‌മെന്റുകളിലും എന്നിവയിൽ ക്ലിക്ക് ചെയ്യുകയും വേണം.

തുടർന്ന് എല്ലാ ബില്ലുകളും കാണുക എന്നതിൽ ക്ലിക്ക് ചെയ്യുന്നതോടെ ഇക്കാലയളവിലെ മുഴുവൻ ബില്ലുകളും കാണാൻ സാധിക്കുമെന്ന് സഊദി ഇലക്ട്രിസിറ്റി കമ്പനി (സെക്) അറിയിച്ചു.