മനാമ: ബഹ്റൈനില് മദ്യം നിര്മ്മിക്കുകയും വില്പ്പന നടത്തുകയും ചെയ്ത മൂന്ന് പ്രവാസികളെ അറസ്റ്റ് ചെയ്തു. മനാമയിലാണ് സംഭവം. ഏഷ്യക്കാരാണ് പിടിയിലായതെന്ന് അധികൃതര് അറിയിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
മദ്യം സൂക്ഷിച്ച വലിയ വീപ്പകളും ഉദ്യോഗസ്ഥര് കണ്ടെടുത്തു. ഇവ പിടിച്ചെടുത്തിട്ടുണ്ടെന്ന് ക്യാപിറ്റല് ഗവര്ണറേറ്റ് പ്രോസിക്യൂഷന് മേധാവി അറിയിച്ചു. ചോദ്യം ചെയ്യലില് പ്രതികള് കുറ്റം സമ്മതിച്ചു. മദ്യം നിര്മ്മിച്ച രീതികളും ഇവര് കാണിച്ചുകൊടുത്തു.
പിടിയിലായ പ്രവാസികളെ തടവിലാക്കിയിരിക്കുകയാണ്. സംഭവത്തില് അന്വേഷണം പൂര്ത്തിയാക്കിയ ശേഷം കേസ് ക്രിമിനല് വിചാരണക്കായി കൈമാറും.
