അബുദാബി: ഹലോ… ഇത് ഷൈഖ് ഹംദാൻ…… ഞായറാഴ്ച പാകിസ്ഥാൻ പ്രവാസി അബ്ദുൾ ഗഫൂർ അബ്ദുൾ ഹക്കീമിനെ നേരിട്ട് വിളിച്ച ദുബായ് കിരീടാവകാശിയുടെ ആദ്യ വാക്കുകളാണിത്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഡെലിവറി റൈഡറായ അബ്ദുൾ ഗഫൂർ, തിരക്കേറിയ ട്രാഫിക് ജംഗ്ഷനിൽ നിന്ന് വീണുകിടക്കുന്ന രണ്ട് കോൺക്രീറ്റ് ഇഷ്ടികകൾ നീക്കം ചെയ്യുകയും ആരോ തന്റെ വീരകൃത്യത്തിന്റെ വീഡിയോ ഓൺലൈനിൽ പോസ്റ്റ് ചെയ്യുകയും ചെയ്തതോടെയാണ് വാർത്തകളിൽ ഇടം നേടുകയും പ്രവാസ ലോകത്ത് താരമാകുകയും ചെയ്തത്.
വീഡിയോ വൈറലാകുകയും ദുബൈ കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂമിന്റെ ശ്രദ്ധയിലെത്തിയത് ഞായറാഴ്ചയാണ്. നല്ല സ്വഭാവമാണെന്ന് തിരിച്ചറിഞ്ഞ രാജകുമാരൻ, അദ്ദേഹത്തെ തിരിച്ചറിയാൻ തന്റെ ദശലക്ഷക്കണക്കിന് സോഷ്യൽ മീഡിയ ഫോളോവേഴ്സിൽ നിന്ന് സഹായം തേടുകയുമായിരുന്നു.
അൽഖൂസിലെ ട്രാഫിക് ജംഗ്ഷനിൽ അബ്ദുൾ ഗഫൂർ തന്റെ ബൈക്ക് നിർത്തി രണ്ട് കനത്ത കോൺക്രീറ്റ് ബ്ലോക്കുകൾ നീക്കം ചെയ്യാൻ ഓടിയതെങ്ങനെയെന്ന് ഖലീജ് ടൈംസ് കഴിഞ്ഞ ആഴ്ച റിപ്പോർട്ട് ചെയ്തിരുന്നു. “എനിക്ക് എന്റെ കാതുകളെ വിശ്വസിക്കാനായില്ല,” തന്റെ ജീവിതകാലത്തെ മനോഹരമായ വിളി ലഭിച്ച നിമിഷങ്ങൾക്ക് ശേഷം അബ്ദുൾ ഗഫൂർ പറഞ്ഞു. ഫോൺ വിളി വന്നപ്പോൾ ഡെലിവറിക്കായി പുറത്ത് പോയതായിരുന്ന. “ഞാൻ ചെയ്തതിന് ദുബായ് കിരീടാവകാശി എന്നോട് നന്ദി പറഞ്ഞുവെന്നും ഇപ്പോൾ രാജ്യത്തിന് പുറത്താണെന്നും തിരിച്ചെത്തിയാലുടൻ എന്നെ കാണാമെന്നും വാഗ്ദാനം ചെയ്തെന്നും അബ്ദുൽ ഗഫൂർ പറഞ്ഞു.
റൈഡറുടെ പെട്ടെന്നുള്ള ചിന്തയെ അഭിനന്ദിച്ച് ഷെയ്ഖ് ഹംദാൻ തന്റെ ഇൻസ്റ്റാഗ്രാം അക്കൗണ്ടിൽ ഒരു സ്റ്റോറി പോസ്റ്റ് ചെയ്തിരുന്നു. വൈറലായ വീഡിയോ പോസ്റ്റ് ചെയ്തുകൊണ്ട് ഷെയ്ഖ് ഹംദാൻ പറഞ്ഞു: “ദുബായിലെ ഒരു നല്ല പ്രവൃത്തി പ്രശംസനീയമാണ്. ആരെങ്കിലും ഇയാളെ കണ്ടെത്താൻ എന്നെ ഒന്ന് സഹായിക്കൂ.. എന്നായിരുന്നു പോസ്റ്റ് രാജകുമാരൻ പോസ്റ്റ് ചെയ്തത്. എന്നാൽ, അൽപം കഴിഞ്ഞ ഉടൻ തന്നെ, “നല്ല മനുഷ്യനെ” കണ്ടെത്തി എന്ന് രാജകുമാരൻ വീണ്ടും പോസ്റ്റ് ചെയ്തു. “നന്ദി, അബ്ദുൾ ഗഫൂർ, നിങ്ങൾ നല്ല സ്വഭാവത്തിന് ഉടമയാണ്, ഞങ്ങൾ ഉടൻ കാണും! ” ഇതായിരുന്നു രാജകുമാരന്റെ പോസ്റ്റ്.
രാജകുമാരന്റെ പോസ്റ്റുകൾ കാണാം 👇
