റിയാദ്: നാളെ (ചൊവ്വ) മുതൽ അടുത്ത ശനിയാഴ്ച വരെ രാജ്യത്തെ ചില പ്രദേശങ്ങളിൽ ഇടിമിന്നലിനുള്ള സാധ്യതയെന്ന് സഊദി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ജസാൻ, നജ്റാൻ, അസീർ, അൽ ബഹ, മക്ക എന്നീ പ്രദേശങ്ങളിൽ ചൊവ്വാഴ്ച മുതൽ ശനിയാഴ്ച വരെ ഇടത്തരം മുതൽ കനത്ത മഴ വരെ പെയ്യാൻ സാധ്യതയുണ്ട്. മഴക്ക് സാധ്യയുണ്ട്.
കിഴക്കൻ പ്രവിശ്യയിലെ ദമാം, ഖോബാർ, ഖത്തീഫ്, ദഹ്റാൻ എന്നിവിടങ്ങളിലും കിഴക്കൻ പ്രവിശ്യയുട തെക്കൻ ഭാഗങ്ങളിലും ബുധനാഴ്ച മുതൽ ശനിയാഴ്ച വരെ ശക്തമായതോ മിതമായതോ ആയ മഴക്ക് സാധ്യതയുണ്ട്
വാദി അൽ-ദവാസിർ, ലൈല, അൽ-അഫ്ലാജ് എന്നിവയുൾപ്പെടെ റിയാദ് മേഖലയുടെ തെക്കൻ ഭാഗങ്ങളിലേക്ക് ബുധനാഴ്ച മുതൽ മഴ വ്യാപിക്കും. അൽ ഖർജ്, ഹോട്ടത് ബനി തമീം, അൽ മുസാഹിമിയ, തലസ്ഥാന നഗരി എന്നീ പ്രദേശങ്ങളിൽ വൈകുന്നേരത്തോടെ മഴയോടൊപ്പം ശക്തമായ പൊടിയും കാറ്റും എത്തുമെന്നും കാലാവസ്ഥ കേന്ദ്രം അറിയിച്ചു.
