ന്യൂഡൽഹി: കൊവിഡ് പ്രതിസന്ധിയുടെ കാലത്ത് ഗള്ഫില് നിന്ന് നാട്ടില് തിരിച്ചെത്തിയത് 4.23 ലക്ഷം ഇന്ത്യക്കാര്. 2020 ജൂണ് മുതല് 2021 ഡിസംബര് വരെയുള്ള കാലയളവിലെ കണക്കുകളാണിത്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഇവരില് പകുതിയിലേറെയും യുഎഇ, സഊദി അറേബ്യ എന്നീ രാജ്യങ്ങളില് നിന്നുള്ളവരാണ്. രാജ്യസഭയില് എംപിമാരുടെ ചോദ്യത്തിന് ഉത്തരം നല്കുമ്പോള് വിദേശകാര്യ സഹമന്ത്രി വി മുരളീധരനാണ് ഇക്കാര്യം വ്യക്തമാക്കിയത്.
ആകെ 4,23,559 ഇന്ത്യക്കാരാണ് തിരിച്ചെത്തിയത്. ഇവരില് 1,52,126 പേര് യുഇഎയില് നിന്നും 1,18,064 പേര് സഊദി അറേബ്യയില് നിന്നും 51,206 പേര് കുവൈത്തില് നിന്നും 46,003 പേര് ഒമാനില് നിന്നും 32,361 പേര് ഖത്തറില് നിന്നുമാണ് തിരിച്ചെത്തിയത്. ജൂണ് 2020 മുതല് 2021 ഡിസംബര് വരെയുള്ള കാലയളവില് ബഹ്റൈന്, കുവൈത്ത്, ഒമാന്, ഖത്തര്, സൗദി അറേബ്യ, യുഎഇ എന്നീ രാജ്യങ്ങളിലേക്ക്i 1,41,172 ഇന്ത്യക്കാര് തൊഴില് തേടി പോയതായും മന്ത്രി അറിയിച്ചു.
ഖത്തറിലേക്കാണ് ഏറ്റവും കൂടുതല് പ്രവാസികള് മടങ്ങിയെത്തിയത്. 51,496 പേരാണെന്നാണ് കണക്കുകൾ. യുഎഇയിലേക്ക് ഈ കാലയളവില് 13,567 പേര് മാത്രമാണ് തിരികെ എത്തിയത്.
