കണ്ണൂർ: കണ്ണൂരിലിറങ്ങേണ്ട മൂന്ന് വിമാനങ്ങൾ പ്രതികൂല കാലാവസ്ഥയെ തുടർന്ന് കൊച്ചിയിലേക്ക് തിരിച്ചുവിട്ടു. എയർ ഇന്ത്യ എക്‌സ്പ്രസിന്റെ മസ്‌കറ്റ്-കണ്ണൂർ, ഗോ ഫസ്റ്റിന്റെ അബൂദബി-കണ്ണൂർ, ദുബൈ-കണ്ണൂർ വിമാനങ്ങളാണ് കൊച്ചിയിലിറക്കിയത്.
ചൊവ്വാഴ്ച പുലർച്ച കൊച്ചിയിലെത്തിയ ഈ വിമാനങ്ങൾ പിന്നീട് കാലാവസ്ഥ അനുകൂലമായപ്പോൾ കണ്ണൂരിലേക്ക് പറന്നു.
ഇതിനിടെ ഗോ ഫസ്റ്റ് വിമാനം മടങ്ങിപ്പോകാൻ വൈകിയതിൽ പ്രതിഷേധിച്ച് യാത്രക്കാർ വിമാനത്തിൽ ബഹളംവെച്ചു. പൈലറ്റ് ഉൾപ്പെടെ ജീവനക്കാരുടെ ജോലിസമയം കഴിഞ്ഞതിനാലാണ് മടങ്ങാൻ വൈകിയത്. പകരം ജീവനക്കാരെ ഏർപ്പാടാക്കിയാണ് പിന്നീട് കണ്ണൂരിലേക്ക് സർവിസ് നടത്തിയത്
