കെയ്‌റോ: സോമാലിയയുടെ തലസ്ഥാനത്തെ വിമാനത്താവളത്തിൽ ലാൻഡിംഗിനിടെ വിമാനം തകർന്നു മറിഞ്ഞു. പക്ഷേ വിമാനത്തിലുണ്ടായിരുന്ന 30 ലധികം ആളുകൾ അദ്‌ഭുതകരമായാണ് രക്ഷപ്പെട്ടത്. വിമാനം തലകീഴായി മറിഞ്ഞതാണ് സംഭവസ്ഥലത്തു നിന്നുള്ള ചിത്രങ്ങൾ വ്യക്തമാക്കുന്നത്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
മൊഗാദിഷുവിലെ വിമാനത്താവളത്തിന് സമീപം ചിത്രീകരിച്ച ചിത്രങ്ങൾ തകർന്ന സ്ഥലത്തിന് മുകളിൽ കട്ടിയുള്ള കറുത്ത പുക ഉയരുന്നതായി കാണിക്കുന്നുണ്ട്. അഗ്നിശമന സേനാംഗങ്ങൾ തീയണച്ചു.
ജുബ്ബ എയർവേയ്‌സിന്റേതാണ് അപകടത്തിൽ പെട്ട വിമാനം. ബൈദോവ നഗരത്തിൽ നിന്ന് തലസ്ഥാനത്തേക്കുള്ള ആഭ്യന്തര സർവ്വീസ് നടത്തുകയായിരുന്നു വിമാനം. യാത്രക്കാരെയും ജീവനക്കാരെയും രക്ഷപ്പെടുത്തിയതായി വിമാനത്താവള അധികൃതരെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ട് ചെയ്തു. അപകട കാരണം ഇതുവരെ വ്യക്തമായിട്ടില്ല.
വീഡിയോ👇
