ന്യൂഡൽഹി: പറന്നുയരുന്നതിനിടെ എന്‍ജിന് തീപിടിച്ചതിനെ തുടർന്ന് സ്പൈസ് ജെറ്റ് വിമാനം അടിയന്തരമായി ഇറക്കി. പട്നയിലാണ് സംഭവം. വിമാനത്തിന്റെ എഞ്ചിന്റെ ഫാനില്‍ തീ ആളിപ്പടരുന്നത് താഴെ നിന്ന് ആളുകള്‍ കണ്ടു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഉടന്‍ തന്നെ ആളുകള്‍ സംഭവം പട്ന പോലീസില്‍ അറിയിച്ചു. പോലീസ് വിവരം വിമാനത്താവളത്തില്‍ അറിയിക്കുയും എയര്‍ ട്രാഫിക് കണ്‍ട്രോള്‍ വിമാനം തിരിച്ചുവിളിക്കുകയുമായിരുന്നു.
പട്ന-ഡൽഹി സ്‌പൈസ്‌ജെറ്റ് വിമാനത്തിലാണ് (ബോയിംഗ് 737-800) ഞായറാഴ്ച പറന്നുയർന്ന ഉടൻ തീപിടിത്തം കണ്ടെത്തിയത്. റിപ്പോർട്ടുകൾ പ്രകാരം വിമാനത്തിന്റെ എഞ്ചിന് തീപിടിച്ചത് നാട്ടുകാരാണ് ആദ്യം ശ്രദ്ധിച്ചത്. വിമാനത്തിൽ പക്ഷി ഇടിച്ചെന്നും ഒരു എഞ്ചിൻ തകർന്നുവെന്നും ഡിജിസിഎ അറിയിച്ചു. 180-ലധികം യാത്രക്കാർ വിമാനത്തിൽ ഉണ്ടായിരുന്നു, പരിക്കുകളൊന്നും റിപ്പോർട്ട് ചെയ്തിട്ടില്ല.
വിമാനത്തിൽ തീപിടിത്തം കണ്ട നാട്ടുകാർ ജില്ലാ, എയർപോർട്ട് അധികൃതരെ വിവരമറിയിച്ചതിനെ തുടർന്ന് ഡൽഹിയിലേക്കുള്ള വിമാനം പട്ന വിമാനത്താവളത്തിൽ തിരിച്ചെത്തിയതായി പട്ന ഡിഎം ചന്ദ്രശേഖർ സിംഗ് പറഞ്ഞു. 185 യാത്രക്കാരെയും സുരക്ഷിതമായി ഇറക്കി. സാങ്കേതിക തകരാറാണ് തീപിടിത്തത്തിന് കാരണം. എഞ്ചിനീയറിംഗ് ടീം വിശകലനം ചെയ്യുകയാണ്,” സിംഗ് പറഞ്ഞു.
പറന്നുയർന്ന ശേഷം വിമാനം കറങ്ങുന്നതിനിടെ എഞ്ചിനിൽ പക്ഷി ഇടിച്ചതായി കോക്ക്പിറ്റ് ജീവനക്കാർ സംശയിച്ചതായി സ്‌പൈസ്‌ജെറ്റ് വക്താവ് പറഞ്ഞു. “മുൻകരുതൽ നടപടിയായും എസ്ഒപി അനുസരിച്ചും ക്യാപ്റ്റൻ തകരാറിലായ എഞ്ചിൻ ഷട്ട്ഡൗൺ ചെയ്യുകയും പട്നയിലേക്ക് മടങ്ങാൻ തീരുമാനിക്കുകയും ചെയ്തു. വിമാനം പട്‌നയിൽ സുരക്ഷിതമായി ഇറക്കി, യാത്രക്കാരെ സുരക്ഷിതമായി പുറത്തിറക്കിയതായും വക്താവ് പറഞ്ഞു.
വീഡിയോ കാണാം 👇
