ജിദ്ദ: മലപ്പുറം ജില്ലയിലെ എടവണ്ണ ഒതായി ചാത്തല്ലൂർ ഗ്ലോബൽ പ്രവാസി അസോസിയേഷൻ മെമ്പർമാരുടെ മക്കൾക്ക് വേണ്ടി വിവിധ വിഷയങ്ങളിൽ നടത്തിയ വീഡിയോ പ്രസംഗ മത്സര വിജയികൾക്ക് ഒതായി എടപ്പറ്റ ഓഡിറ്റോറിയത്തിൽ വെച്ച് നടത്തിയ പൊതു പരിപാടിയിൽ വെച്ച് ക്യാഷ് പ്രൈസും സർട്ടിഫിക്കറ്റും വിതരണം ചെയ്തു. പ്രസിഡന്റ് സുൽഫീക്കർ ഒതായി അധ്യക്ഷത വഹിച്ചു. പി. വി മുഹമ്മദ് റാഫി പരിപാടി ഉദ്ഘാടനം ചെയ്തു.
പ്രമുഖ ട്രാന്സിനേഴ്‌സ് ആയ മൻസൂർ ഒതായി, അബ്ദു സമദ് ഇരിവേറ്റി എന്നിവർ പരിപാടിയിൽ മോട്ടിവേഷൻ ക്ലാസ് എടുത്തു. ഓൺലൈനിൽ ഇതേ വിഷയത്തിൽ നടന്ന പരിപാടിയിലാണ് അബ്ദു സമദ് ഇരിവേറ്റി ക്ലാസ് എടുത്തത്. അമൽ ഹുദ, നസീബ. ഹനാൻ പി പി, ഹിസ സാജിദ്, ഹാദിയ സാജിദ് , ഹംദസാജിദ്, മറിയം മുഹമ്മദ് അഷ്‌റഫ്, റബ്‌വ സി ടി,അഷ്‌ഫാ പി ൻ, അഹമ്മദ് അഷ്‌റഫ്, നൂറാ മെഹർ, ഹിബ പി പി അബ്ദു റഹിമാൻ അഷ്‌റഫ് , ഹാദി നൂറിൻ തുടങ്ങിയ കുട്ടികളാണ് വിവിധ കാറ്റഗറിയിൽ വിവിധ വിഷയങ്ങളിലുമായി വിജയിച്ചത്. ആയിഷ ലൈല, മുഹമ്മദ് കുഞ്ഞി, അഹ്മദ് കുട്ടി ടി പി, റഷീദ് അമീർ, അഹ്മദ് സജ്‌മീർ തുടങ്ങിയവരായിരുന്നു വിധി കർത്താക്കൾ.
സുനീർ കെ പി, ഉബൈദ് ചെമ്പകത്ത്,
ഗഫൂർ പി കെ, ഷബീർ കാഞ്ഞിരാല, അമീൻ ചെമ്മല തുടങ്ങിയവർ കുട്ടികൾക്ക് സർട്ടിഫിക്കറ്റ്കൾ സമ്മാനിച്ചു. പരിപാടിയിൽ ഒ സി ജി പി എയുടെ ലോഗോ ഡിസൈൻ ചെയ്ത സുനീർ കെ. പി യെ കമ്മറ്റിക്ക് വേണ്ടി സുൽഫീക്കർ ഒതായി മൊമെന്റോ നൽകി ആദരിച്ചു. സർട്ടിഫിക്കറ്റ് ഡിസൈൻ ചെയ്ത മറിയം അഷ്റഫിനെയും ചടങ്ങിൽ ആദരിച്ചു. ചടങ്ങിൽ കുട്ടികളുടെ ഗാനങ്ങളും, ഫർഹീൻ അഹ്മദ് കുട്ടി ടി. പി യുടെ ചിത്ര പ്രദർശനവും പരിപാടിക്ക് മാറ്റ് കൂട്ടി. ഓൺലൈനിലും നടന്ന പരിപാടിയിൽ പി.വി അഷ്‌റഫ്, അസ്‌ക്കർ പി. പി, ഷാജി ഒതായി, ഇബ്രാഹിം ഹാജി, സാദിഖ് പി വി, ഫിറോസ് എന്നിവർ ആശസ അറിയിച്ചു. യു. യൂസുഫ് സ്വാഗതവും ഹബീബ് കാഞ്ഞിരാല നന്ദിയും പറഞ്ഞു
