ന്യൂയോർക്ക്: 2022-ലെ ലോകത്തിലെ ഏറ്റവും മികച്ച ആശുപത്രികൾക്കായി അമേരിക്കൻ മാഗസിൻ (ന്യൂസ്വീക്ക്) പുറത്തിറക്കുന്ന ലോകത്തിലെ ഏറ്റവും മികച്ച ആശുപത്രികളുടെ വാർഷിക പട്ടികയിൽ സഊദി അറേബ്യക്ക് വൻ നേട്ടം. രാജ്യത്താകമാനമുള്ള സ്വകാര്യ, ഗവണ്മെന്റ് സെക്റ്ററിലെ ഇരുപത്തിയൊമ്പത് ആശുപത്രികൾ പട്ടികയിൽ ഉൾപ്പെട്ടിട്ടുണ്ട്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
സഊദി അറേബ്യ ആദ്യമായാണ് പട്ടികയിൽ ഇടം നേടുന്നത്. യുണൈറ്റഡ് അറബ് എമിറേറ്റ്സ് (യു എ ഇ), കൊളംബിയ തുടങ്ങിയ രാജ്യങ്ങലും പട്ടികയിൽ ഉൾപ്പെട്ടിട്ടുണ്ട്. ലോകത്തിലെ ഏറ്റവും മികച്ച ആശുപത്രികളുടെ വാർഷിക പട്ടികയിൽ ലോകമെമ്പാടുമുള്ള 27 രാജ്യങ്ങളിൽ നിന്നുള്ള ഏകദേശം 2,200 ആശുപത്രികൾ ആണ് ഉൾപ്പെട്ടിട്ടുള്ളത്. 33 ആശുപത്രികളുമായി അമേരിക്കയാണ് പട്ടികയിൽ ഒന്നാമത്.
അമേരിക്ക, ജർമ്മനി, ജപ്പാൻ, ദക്ഷിണ കൊറിയ, ഫ്രാൻസ്, ഇറ്റലി, യുണൈറ്റഡ് കിംഗ്ഡം, സ്പെയിൻ, ബ്രസീൽ, കാനഡ, ഇന്ത്യ, ഓസ്ട്രേലിയ, മെക്സിക്കോ, നെതർലാൻഡ്സ്, ഓസ്ട്രിയ, തായ്ലൻഡ്, സ്വിറ്റ്സർലൻഡ്, സ്വീഡൻ, ബെൽജിയം, ഫിൻലാൻഡ് , നോർവേ, ഡെൻമാർക്ക്, സിംഗപ്പൂർ എന്നിവയാണ് വാർഷിക പട്ടികയിൽ ഉൾപ്പെടുന്ന മറ്റു പ്രമുഖ രാജ്യങ്ങൾ.
ഫിസിഷ്യൻമാർ, ഹോസ്പിറ്റൽ അഡ്മിനിസ്ട്രേറ്റർമാർ, ഹെൽത്ത് പ്രൊഫഷണലുകൾ എന്നിവരുൾപ്പെടെ ലോകമെമ്പാടുമുള്ള 80,000-ലധികം വിദഗ്ധരുടെ അഭിപ്രായം സ്വീകരിച്ചാണ് ലിസ്റ്റ് തയ്യാറാക്കിയതെന്നതാണ് പട്ടികയെ വ്യത്യസ്തമാക്കുന്നത്, കൂടാതെ രോഗികളുടെ അഭിപ്രായങ്ങളിൽ നിന്നുള്ള പൊതുവായി ലഭ്യമായ ഡാറ്റയും ഉപയോഗിച്ചിട്ടുണ്ട്.
നിരവധി സൂചകങ്ങളെ അടിസ്ഥാനമാക്കിയാണ് ലിസ്റ്റ് തയ്യാറാക്കിയത്. ആശുപത്രികളിലെ മെഡിക്കൽ പ്രകടനം, ചികിത്സയുടെ ഗുണനിലവാരം, ശുചിത്വ നടപടികൾ, രോഗികളുടെ സുരക്ഷ എന്നിവയുമായി ബന്ധപ്പെട്ട ഡാറ്റ, ഓരോ ഡോക്ടർക്കും ഓരോ രോഗിക്കും രോഗികളുടെ എണ്ണത്തിന്റെ ഡാറ്റ എന്നിവയാണ് ഏറ്റവും പ്രധാനമായി കണക്കാക്കിയത്.
തിരഞ്ഞെടുക്കപ്പെട്ട 29 സഊദി ആശുപത്രികളെ 3 വകുപ്പുകളായി തിരിച്ചിരിക്കുന്നു. അവ ഇപ്രകാരമാണ്.
പട്ടികയിൽ ഒന്നാം സ്ഥാനത്തുള്ള സഊദിയിലെ മികച്ച 10 ആശുപത്രികൾ:
1 – റിയാദിലെ കിംഗ് ഫൈസൽ ഹോസ്പിറ്റൽ ആൻഡ് റിസർച്ച് സെന്റർ
2 – റിയാദിലെ കിംഗ് അബ്ദുൽ അസീസ് മെഡിക്കൽ സിറ്റി.
3 – മക്കയിലെ കിംഗ് അബ്ദുല്ല മെഡിക്കൽ സിറ്റി.
4 – റിയാദിലെ കിംഗ് ഫഹദ് മെഡിക്കൽ സിറ്റി.
5 – റിയാദിലെ കിംഗ് സൗദ് മെഡിക്കൽ സിറ്റി.
6 – ജിദ്ദയിലെ ഡോ: സുലൈമാൻ ഫക്കീഹ് ഹോസ്പിറ്റൽ.
7 – ജിദ്ദയിലെ കിംഗ് ഫൈസൽ ഹോസ്പിറ്റൽ ആൻഡ് റിസർച്ച് സെന്റർ.
8 – റിയാദിലെ പ്രിൻസ് സുൽത്താൻ മിലിട്ടറി മെഡിക്കൽ സിറ്റി.
9 – ജിദ്ദയിലെ ഇന്റർനാഷണൽ മെഡിക്കൽ സെന്റർ ഹോസ്പിറ്റൽ (IMC).
10 – ജിദ്ദയിലെ കിംഗ് അബ്ദുൽ അസീസ് മെഡിക്കൽ സിറ്റി
പൊതുമേഖലയിലെ സഊദി ആശുപത്രികൾ:
1 – റിയാദിലെ കിംഗ് ഫൈസൽ സ്പെഷ്യലിസ്റ്റ് ഹോസ്പിറ്റൽ & റിസർച്ച് സെന്റർ (KFSH&RC), 92.02 ശതമാനം അനുപാതം.
2 – റിയാദിലെ കിംഗ് അബ്ദുൽ അസീസ് മെഡിക്കൽ സിറ്റി (KAMC-RD) റിയാദിൽ, 86.62% അനുപാതം.
3 – മക്കയിലെ കിംഗ് അബ്ദുല്ല മെഡിക്കൽ സിറ്റി സ്പെഷ്യലിസ്റ്റ് ഹോസ്പിറ്റൽ, 84.64% അനുപാതം.
4 – റിയാദിലെ കിംഗ് ഫഹദ് മെഡിക്കൽ സിറ്റി, 84.23% അനുപാതം.
5 – റിയാദിലെ കിംഗ് സൗദ് മെഡിക്കൽ സിറ്റി (KSMC), 83.98% അനുപാതം.
6 – ജിദ്ദയിലെ കിംഗ് ഫൈസൽ സ്പെഷ്യലിസ്റ്റ് ഹോസ്പിറ്റൽ ആൻഡ് റിസർച്ച് സെന്റർ (KFSHRC), 83.01% അനുപാതം.
7 – ജിദ്ദയിലെ കിംഗ് അബ്ദുൽ അസീസ് മെഡിക്കൽ സിറ്റി (KAMC), 76.62% അനുപാതം.
8 – റിയാദിലെ കിംഗ് ഖാലിദ് യൂണിവേഴ്സിറ്റി ഹോസ്പിറ്റൽ, 74.00% അനുപാതം.
9 – ജിദ്ദയിലെ കിംഗ് ഫഹദ് ഹോസ്പിറ്റൽ, 73.59% അനുപാതം.
10 – റിയാദിലെ സുൽത്താൻ ബിൻ അബ്ദുൽ അസീസ് ഹ്യുമാനിറ്റേറിയൻ സിറ്റി, 72.81% അനുപാതം.
11 – ജിദ്ദയിലെ കിംഗ് അബ്ദുല്ല മെഡിക്കൽ കോംപ്ലക്സ്, 72.01% അനുപാതം.
12 – റിയാദിലെ കിംഗ് സൽമാൻ ഹോസ്പിറ്റൽ, 71.68% അനുപാതം.
13 – ജിദ്ദയിലെ കിംഗ് അബ്ദുൽ അസീസ് യൂണിവേഴ്സിറ്റി ഹോസ്പിറ്റൽ, 71.55% അനുപാതം.
14 – ജിദ്ദയിലെ കിംഗ് അബ്ദുൽ അസീസ് ഹോസ്പിറ്റൽ, 71.25% അനുപാതം.
15 – റിയാദിലെ കിംഗ് അബ്ദുൽ അസീസ് യൂണിവേഴ്സിറ്റി ഹോസ്പിറ്റൽ, 70.64% അനുപാതം.
16 – റിയാദിലെ കിംഗ് അബ്ദുല്ല ബിൻ അബ്ദുൽ അസീസ് യൂണിവേഴ്സിറ്റി ഹോസ്പിറ്റൽ (KAAUH), 70.30% അനുപാതം.
സ്വകാര്യ മേഖലയിലെ സഊദി ആശുപത്രികൾ:
1 – ജിദ്ദയിലെ ഡോ: സുലൈമാൻ ഫക്കീഹ് ഹോസ്പിറ്റൽ, 83.33% അനുപാതം.
2 – ജിദ്ദയിലെ ഇന്റർനാഷണൽ മെഡിക്കൽ സെന്റർ ഹോസ്പിറ്റൽ (IMC), 76.91% അനുപാതം.
3 – ഡോ: സുലൈമാൻ അൽ-ഹബീബ് മെഡിക്കൽ ഗ്രൂപ്പും റിയാദിലെ അരായൻ ആശുപത്രിയും, 76.01% അനുപാതത്തിൽ.
4 – ദഹ്റാൻ ജോൺസ് ഹോപ്കിൻസ് അരാംകോ ഹെൽത്ത്കെയർ, 75.55% അനുപാതത്തിൽ
5 – ജിദ്ദയിലെ സഊദി ജർമ്മൻ ഹോസ്പിറ്റൽ, 75.13% അനുപാതം.
6 – ഖോബാറിലെ ഡോ: സുലൈമാൻ അൽ ഹബീബ് ഹോസ്പിറ്റൽ, 72.06% അനുപാതത്തിൽ
7 – ദമാമിലെ അൽ മുവാസാത് ഹോസ്പിറ്റൽ, 71.75% അനുപാതം.
8 – ദമാമിലെ സഊദി ജർമ്മൻ ആശുപത്രി, 71.23% അനുപാതം.
സൈനിക മേഖലയിലെ സഊദി ആശുപത്രികൾ:
1 – റിയാദിലെ പ്രിൻസ് സുൽത്താൻ മിലിട്ടറി മെഡിക്കൽ സിറ്റി, 81.21% അനുപാതം.
2 – ജിദ്ദയിലെ കിംഗ് ഫഹദ് ആംഡ് ഫോഴ്സ് ഹോസ്പിറ്റൽ, 74.31% അനുപാതം.
3 – ദഹ്റാനിലെ കിംഗ് ഫഹദ് മിലിട്ടറി മെഡിക്കൽ സിറ്റി (KFMMC), 73.32% അനുപാതം.
4 – ദഹ്റാനിലെ കിംഗ് അബ്ദുൽ അസീസ് എയർബേസ് ആംഡ് ഫോഴ്സ് ഹോസ്പിറ്റൽ, 72.64% അനുപാതം.
5 – സെക്യൂരിറ്റി ഫോഴ്സ് ഹോസ്പിറ്റൽ പ്രോഗ്രാം, 70.59% അനുപാതം.
