റിയാദ്: ശ്വാസതടസ്സമുണ്ടായതിനെ തുടര്ന്ന് ദമാമിലെ ആശുപത്രിയില് പ്രവേശിപ്പിച്ച മലയാളി ഹൃദയസ്തംഭനം മൂലം മരിച്ചു. മലപ്പുറം ഊരകം പൂല്ലഞ്ചാല് സ്വദേശി ഹനീഫ (47) ആണ് ദമാമിൽ സ്വകാര്യ ആശുപത്രിയിൽ വെച്ച് മരണപ്പെട്ടത്. എട്ട് വര്ഷമായി പ്രവാസിയായിരുന്ന ഹനീഫ ഒന്നര വര്ഷമായി ദമാം അല്നാദി ഏരിയയിലെ കഫത്തീരിയില് ജീവനക്കാരനായിരുന്നു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
തിങ്കളാഴ്ച ശ്വാസതടസ്സം നേരിട്ടതിനെ തുടര്ന്ന് അടുത്തുള്ള ആശുപത്രിയില് പ്രവേശിപ്പിച്ചെങ്കിലും മരണപ്പെടുകയായിരുന്നു. മൃതദേഹം ദമാം ഫൈസലിയ മഖ്ബറയില് ഖബറടക്കി. പരേതനായ കണ്ണന്തൊടി മമ്മൂണ്ണിയാണ് പിതാവ്. മിന്ഹാ ബീവികുട്ടിയാണ് മാതാവ്. ഭാര്യ: റഹ്മത്ത്, മക്കള്: അജീര്ഷാ അജ്മല്, ദില്ഷാന് അജ്മല്, ഫാത്തിമ.
സഹോദരങ്ങള്: ശാഹുല് ഹമീദ്, സൈനുല് ആബിദ് സുബൈദ, സുലൈഖ, സമീറ ഖൈറുന്നിസ, സൈഫുന്നിസ. ദമ്മാം ടൗണ് കെ.എം.സി.സി മുന് പ്രസിഡന്റ് അലി ഊരകം ഭാര്യാസഹോദരനാണ്. മരണാനന്തര നിയമനടപടി പൂര്ത്തിയാക്കാന് സാമൂഹിക പ്രവര്ത്തകന് ഷാജി വയനാടും കെ.എം.സി.സി നേതാക്കളായ ഇക്ബാല് ആനമങ്ങാട്, ബഷീര് ആലുങ്ങല് എന്നിവരും നേതൃത്വം നല്കി.
