റിയാദ്: വേൾഡ് ട്രാവൽ ആൻഡ് ടൂറിസം കൗൺസിൽ (WTTC) 22-ാമത് ആഗോള ഉച്ചകോടി 2022 നവംബർ 29 ന് റിയാദിൽ നടക്കുമെന്ന് അറിയിച്ചു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഫിലിപ്പൈൻസ് തലസ്ഥാനമായ മനിലയിൽ, ലോകത്തെ മുൻനിര ബിസിനസ്സ് നേതാക്കൾ, മന്ത്രിമാർ, ആഗോള ട്രാവൽ ആൻഡ് ടൂറിസം മേഖലയിലുടനീളമുള്ള പ്രധാന നേതാക്കൾ എന്നിവരുൾപ്പെടെ ആയിരത്തിലധികം പ്രതിനിധികൾ ഒത്തുകൂടി കാര്യങ്ങൾ അവലോകനം ചെയ്തു. മേഖല തുടർച്ചയായ കരകയറ്റം എങ്ങനെ സാധ്യമാകുമെന്ന് സംഘം ചർച്ച ചെയ്തു.
ഈ വർഷം അവസാനം ഡബ്ല്യുടിടിസിയുടെ അടുത്ത ഉച്ചകോടി സഊദി അറേബ്യയിൽ നടത്തുന്നതിൽ അഭിമാനമുണ്ടെന്ന് ടൂറിസം മന്ത്രി അഹമ്മദ് അൽ ഖത്തീബ് പറഞ്ഞു. “ഇപ്പോൾ, നമ്മുടെ സർഗ്ഗാത്മകവും നൂതനവുമായ കഴിവുകൾ പ്രയോജനപ്പെടുത്തി കൂടുതൽ വഴക്കമുള്ളതും ഉൾക്കൊള്ളുന്നതും സുസ്ഥിരവുമായ രീതിയിൽ ടൂറിസം മേഖലയെ രൂപപ്പെടുത്താൻ ലക്ഷ്യമിടുന്ന പുതിയതും അഭിലഷണീയവുമായ ഒരു ലക്ഷ്യസ്ഥാനത്തെയാണ് രാജ്യം പ്രതിനിധീകരിക്കുന്നതെന്ന് അദ്ദേഹം പറഞ്ഞു. അനുഭവങ്ങളും അറിവുകളും പങ്കിടാനും കൈമാറാനും ആഗോള യാത്രാ, ടൂറിസം നേതാക്കളെ സഊദിയിലേക്ക് ടൂറിസം മന്ത്രി സ്വാഗതം ചെയ്തു.
