പാലക്കാട്: പാലക്കാട് മേലാമുറിയില് വെച്ച് ആര്.എസ്.എസ് നേതാവിന് വെട്ടിക്കൊന്നു. ആര്.എസ്.എസ് നേതാവ് ശ്രീനിവാസനെ അഞ്ചുപേര് ചേര്ന്ന് വെട്ടിപ്പരുക്കേല്പ്പിക്കുകയും തുടര്ന്ന് പാലക്കാട് സ്വകാര്യ ആശുപത്രിയില് ഐ.സി.യുവില് പ്രവേശിപ്പിക്കുകയും ചെയ്തതിന് പിന്നാലെ മരണപ്പെടുകയായിരുണു. പാലക്കാട് നോര്ത്ത് കസബ സ്റ്റേഷന് പരിധിയിലണ് സംഭവം.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
മുന് ശാരീരിക് ശിക്ഷക് പ്രമുഖാണ് ശ്രീനിവാസന്. രണ്ടു ബൈക്കിലെത്തി അഞ്ചുപേര് ചേര്ന്നാണ് വെട്ടിയത്. ശ്രീനിവാസനുണ്ടായിരുന്ന എസ്കെ ഓട്ടോ റിപ്പയര് കടയ്ക്കകത്ത് അതിക്രമിച്ച് കയറിയായിരുന്നു ആക്രമണം.
ഇന്നലെ ജില്ലയില് എസ്.ഡി.പി.ഐ പ്രവര്ത്തകനെ കൊലപ്പെടുത്തിയ മുറിവ് ഉണങ്ങും മുന്പാണ് മറ്റൊരു കൊലപാതകം. പോപ്പുലര് ഫ്രണ്ട് നേതാവ് വേട്ടേറ്റു മരിച്ചതിനെ തുടര്ന്ന് ജില്ലയില് ജാഗ്രതാ നിര്ദേശം പുറപ്പെടുവിച്ചിരുന്നു. ഇതിനിടയിലാണ് ആര്എസ്എസ് പ്രവര്ത്തകന് കൊല്ലപ്പെട്ടത്.
ഇദ്ദേഹത്തെ പാലക്കാട് ജില്ലാ ആശുപത്രിയിലേക്ക് കൊണ്ടുപോവാനാണ് ആദ്യം ശ്രമിച്ചിരുന്നത്. എന്നാല് കഴിഞ്ഞ ദിവസം വെട്ടേറ്റു മരിച്ച പോപ്പുലര് ഫ്രണ്ട് നേതാവിന്റെ പോസ്റ്റുമോര്ട്ടം പൂര്ത്തിയാക്കി മൃതദേഹം ഏറ്റുവാങ്ങാന് നിരവധി പോപ്പുലര് ഫ്രണ്ട് പ്രവര്ത്തകര് അവിടെയുള്ളതിനാല് പാലക്കാട് നഗരത്തിലെ മറ്റൊരു ആശുപത്രിയിലേക്ക് മാറ്റുകയായിരുന്നു.
