അബുദാബി: യാചകനെ പിടികൂടിയ ദുബായ് പോലീസ് യാചകന്റെ കയ്യിൽ കണ്ടെത്തിയ തുക കണ്ട് ഞെട്ടി. 10,890 ഡോളർ മൂല്യമുള്ള 500 ദിർഹം നോട്ടു കെട്ടുകളും വിവിധ നാണയങ്ങളും നിരവധി മൊബൈൽ ഫോണുകളും ഉൾപ്പെടെ വിവിധ കറൻസികളുടെയും പണക്കെട്ടുകളുമായാണ് പോലീസ് യാചകനെ അറസ്റ്റ് ചെയ്ത് കണ്ടെത്തിയത്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഇദ്ദേഹത്തിന്റെ ചിത്രം പോലീസ് സോഷ്യൽ മീഡിയയിലൂടെ പുറത്ത് വിട്ടുവെങ്കിലും പേരുവിരങ്ങളോ ഏത് രാജ്യക്കാരാണ് എന്നതുൾപ്പെടെയുള്ള മറ്റു വിവരങ്ങളോ പോലീസ് വ്യക്തമാക്കിയിട്ടില്ല. “ഭിക്ഷാടനം അനുകമ്പയുടെ തെറ്റായ ആശയമാണ്” എന്ന തലക്കെട്ടിൽ യുഎഇ യുടെ ഭിക്ഷാടന വിരുദ്ധ കാംപെയിനിടെയാണ് അറസ്റ്റ്.
“ദരിദ്രരെ സഹായിക്കാൻ ഔദ്യോഗിക അധികാരികളും ചാരിറ്റബിൾ സ്ഥാപനങ്ങളും തയ്യാറാണ്, സാമ്പത്തിക സഹായം ആവശ്യമുള്ളവരോട് ബന്ധപ്പെടാൻ ഞങ്ങൾ അഭ്യർത്ഥിക്കുന്നു,” ക്രിമിനൽ ഇൻവെസ്റ്റിഗേഷൻ ജനറൽ ഡിപ്പാർട്ട്മെന്റിലെ നുഴഞ്ഞുകയറ്റ വിരുദ്ധ ആക്ടിംഗ് ഡയറക്ടർ കേണൽ അഹമ്മദ് അൽ-അദിദി പറഞ്ഞു. പ്രസ്താവനയിൽ പറഞ്ഞു.
ദുബായിലെ ഭിക്ഷാടകരുടെ എണ്ണം കുറയ്ക്കുന്നതിൽ പോലീസ് സ്വീകരിച്ച കർശനമായ നടപടികൾക്ക് അദ്ദേഹം നന്ദി പറഞ്ഞു. സാമ്പത്തിക നിരാശയോടെ അവരുടെ നിയമവിരുദ്ധമായ പെരുമാറ്റത്തെ ന്യായീകരിക്കാൻ ശ്രമിക്കുന്ന ആളുകളുണ്ട്. ഭിക്ഷാടന വിരുദ്ധത സംബന്ധിച്ച 2018-ലെ ഫെഡറൽ നിയമം നമ്പർ 9 പ്രകാരം അത് നിയമവിരുദ്ധവും ശിക്ഷാർഹവുമാണെന്നും അദ്ദേഹം കൂട്ടിച്ചേർത്തു. ഭിക്ഷാടനക്കാരെ 901 എന്ന ടോൾ ഫ്രീ നമ്പറിലോ ദുബായ് പോലീസ് ആപ്പ് വഴിയോ അറിയിക്കണമെന്നും അദ്ദേഹം പൊതുജനങ്ങളോട് അഭ്യർത്ഥിച്ചു.
